بلدیاتی انتخابات میں پیپلز پارٹی کی کامیابی پر بلاول بھٹو زرداری نے پی پی کے امیدواروں کو ووٹ دینے پر عوام کا شکریہ ادا کیا ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں پاکستان پیپلز پارٹی کے چیئرمین بلاول بھٹو زرداری نے کہا کہ شکریہ، حیدر آباد اور کراچی۔

Thank you Hydrabad & Karachi division 🙏 pic.twitter.com/XzeZQTNa2G

— Bilawal Bhutto Zardari (@BBhuttoZardari) January 16, 2023

وزیر خارجہ بلاول بھٹو نے مزید کہا کہ کراچی اور حیدرآباد میں پی پی کے امیدواروں کو ووٹ دینے پر شکریہ ادا کرتے ہوئے ہیں۔

شیری رحمان کی مبارکباد

اس سے قبل پاکستان پیپلز پارٹی کی رہنما سینیٹر شیری رحمان نے اپنے ٹوئٹر پر کہا کہ بلدیاتی الیکشن کے دوسرے مرحلے میں پاکستان پیپلز پارٹی کی شاندار کامیابی پر ووٹرز، پارٹی قیادت، امیدوار اور کارکنان کو مبارکباد پیش کرتی ہوں۔

بلدیاتی الیکشن کے دوسرے مرحلے میں پاکستان پیپلز پارٹی کی شاندار کامیابی پر ووٹرز، پارٹی قیادت، امیدوار اور کارکنان کو مبارکباد پیش کرتی ہوں۔ کراچی، جامشورو، حیدرآباد، دادو، جوہی، سیہون، خیرپور ناتھن شاہ، مٹیاری اور ٹھٹھہ سمیت دیگر اضلاع میں پیپلزپارٹی کا تیر چلا ہے ۔1/3

Advertisement

— SenatorSherryRehman (@sherryrehman) January 16, 2023

انہوں نے کہا کہ کراچی، جامشورو، حیدرآباد، دادو، جوہی، سیہون، خیرپور ناتھن شاہ، مٹیاری اور ٹھٹھہ سمیت دیگر اضلاع میں پیپلزپارٹی کا تیر چلا ہے۔

پیپلز پارٹی کی رہنما نے کہا کہ پیپلز پارٹی کی بلدیاتی انتخابات میں اکثریتی جیت عوام کی طرف سے اعتماد کا ووٹ ہے۔

شیری رحمان نے مزید کہا کہ اب تک کے بلدیاتی انتخابات کے نتائج کے مطابق تحریک انصاف کو تاریخی شکست ملی ہے، سندھ کے لوگوں نے پیپلز پارٹی کا انتخاب کیا ہے اور تحریک انصاف کے نام نہاد بیانیے کو ایک بار پھر مسترد کر دیا ہے۔

دوسری جانب وزیر جنگلات سندھ تیمور تالپور نے کہا کہ 3 دن پہلے بتا چکا تھا کہ کراچی کی عوام ووٹ پاکستان پیپلز پارٹی کو دینگے، بلاول بھٹو زرداری بہت پہلے ہی ‎کہہ چکے میئر کراچی اب صرف جیالا ہو گا۔

پاکستان پیپلزپارٹی کا دعویٰ

کراچی میں بلدیاتی الیکشن کے اب تک سامنے آنے والے نتائج پر پاکستان پیپلز پارٹی نے 80 سیٹوں پر کامیابی حاصل کرنے کا دعویٰ کیا ہے۔

پی پی کے ترجمان کا کہنا تھا کہ ضلع ملیر کے تین ٹاؤنز میں 30 میں سے 23 یونین کمیٹی جیت گئے ، ضلع کیماڑی کے تین ٹاؤنز میں 32 میں سے 18 یونین کمیٹی جیت گئے جبکہ ضلع شرقی میں پیپلز پارٹی 12 نشست جیت چکی ہے اور ضلع ساؤتھ کے دو ٹاؤنز میں 25 میں سے 13 یونین کمیٹی جیت گئے، تین پر گنتی جاری ہے ۔

اسکے علاوہ سہراب گوٹھ ٹاون ڈسٹرکٹ ایسٹ کی 8 یوسیز میں سے 6 یو سیز (3،4،5،6،7،8) پیپلز پارٹی نے جیت لیں ہیں اور ویسٹ میں پانچ ، سینٹرل میں چار اور کورنگی میں تین یونین کمیٹیوں پر پیپلز پارٹی آگے ہے۔

ترجمان کا کہنا تھا کہ ویسٹ میں پانچ ، سینٹرل میں چار اور کورنگی میں تین یونین کمیٹیوں پر پیپلز پارٹی آگے ہے۔

واضح رہے کہ حیدرآباد میں ہونے والے بلدیاتی انتخابات کے غیر حتمی اور غیر سرکاری نتائج کے مطابق پیپلزپارٹی کو واضح برتری حاصل ہے جس کی 160 یونین کونسلز میں سے پیپلزپارٹی 36، پی ٹی آئی 4 اور جماعت اسلامی 2 نشتوں پر کامیاب رہی ہے۔