پنجاب اسمبلی تحلیل ہونے کے بعد اب تک نگراں وزیراعلیٰ کا تقرر نہیں کیا جاسکا ہے جس کی وجہ سے یہ معاملہ پارلیمانی کمیٹی کے پاس چلا گیا ہے۔

تفصیلات کے مطابق نگران وزیراعلیٰ پنجاب کے پر پرویزالٰہی اور حمزہ شہباز کا اتفاق نہیں ہوسکا ہے جس بعد گورنر پنجاب سے پارلیمانی کمیٹی تشکیل دیئے جانے کی استدعا کی گئی ہے۔

گورنر پنجاب بلیغ الرحمان کی جانب سے پارلیمانی کمیٹی بنانے کیلئے اسپیکر پنجاب اسمبلی کو خط لکھ دیا گیا ہے تاہم پارلیمانی کمیٹی فیصلہ نہیں کرسکی تو معاملہ الیکشن کمیشن کے پاس چلا جائے گا۔

یہ بھی پڑھیں: نگراں وزیراعلیٰ کا تقرر، پرویزالہیٰ اور اپوزیشن لیڈر کے درمیان مشاورت کا آخری روز

اسپیکر گورنر کی سفارش پر پارلیمانی کمیٹی میں  حکومت اور  اپوزیشن کے 3،3 ارکان پر مشتمل ہوگی تاہم ن لیگ کی جانب سے ملک احمد خان ، خلیل طاہر سندھو اور پیپلز پارٹی کے حسن مرتضیٰ کا نام دیئے جانے کا امکان ہے۔

خیال رہے کہ نگراں وزیراعلیٰ کے تقرر کے معاملے پر کل رات دس بجکر دس منٹ پر وزیر اعلیٰ پرویز الہیٰ  اور اپوزیشن لیڈر حمزہ شہباز کی مشاورت کا آئینی وقت ختم ہوچکا ہے تاہم دونوں رہنماؤں میں کسی ایک نام پر اتفاق نہیں کیا گیا ہے۔

چوہدری پرویز الہیٰ نے نگراں وزیراعلیٰ کیلئے 03 نام باضابطہ طور پر گورنر پنجاب کو بھیج دیے تھے جس میں سردار احمد نواز سوکھیرا، ناصر محمود کھوسہ، محمد نصیر خان کے نام شام تھے جبکہ ن لیگ کی جانب سے نگران وزیراعلیٰ پنجاب کے لیے وزیراعظم شہباز  شریف کے مشیر احد چیمہ اور  سینیئر صحافی محسن رضا  نقوی کے نام بھجوائے گئے ہیں۔

یہ بھی پڑھیں: ناصر محمود کھوسہ کی نگراں وزیراعلیٰ پنجاب کا عہدہ قبول کرنے سے معذرت