کیا آپ ہاتھ کے ذریعے چیزوں کو ناپنے کا طریقہ جانتے ہیں؟ اگر نہیں تو آج ہم آپ کو بتائیں گے۔

اکثر ایسا ہوتا ہے کہ کسی چیز کو ناپنے کیلئے اسکیل موجود نہیں ہوتا تو ایسی صورت میں آپ نے ایک پرانے زمانے کا طریقہ اپنانا ہے جس سے آپ باآسانی اس چیز کو ناپ لیں گے۔

ہاتھ کے ذریعے لمبائی کو ناپنے کے طریقے

آپ کے ہاتھ کی انگلیاں اور اس کی بناوٹ ایک خاص حساب سے ہوتی ہے جس کی مدد سے بہت آسانی سے مختلف چیزوں کو ناپا جا سکتا ہے جو کچھ اس طرح سے ہوتا ہے۔

ایک انچ = شہادت کی انگلی کا پہلا پور = 2 اعشاریہ 5 سینٹی میٹر

دو انچ = انگوٹھے کی لمبائی =5 سینٹی میٹر

چھ انچ =انگوٹھے سے شہادت کی انگلی تک = 15 سینٹی میٹر

نو انچ = انگوٹھے سے لے کر چھوٹی انگلی تک =23 سینٹی میٹر

اٹھارہ انچ =کہنی سے لے کر درمیانی انگلی تک =46 سینٹی میٹر

یہی نہیں بلکہ آپ اپنے ہاتھ کی مدد سے کسی چیز کا وزن بھی کر سکتے ہیں، وزن ناپنے کا راز انسان کی ہتھیلی میں پوشید ہے۔

چلو بھر کا مطلب یہ ہوتا ہے کہ اس چلو میں جو چیز آئے وہ دو اونس کے برابر ہوتی ہے، یہی ہتھیلی جب کھلی ہو تو اس کے اندر جو چیز ہوتی ہے وہ تین اونس کے برابر ہوتا ہے۔

 پوری ایک مٹھی میں کسی چیز کو لینے کا مطلب ایک پیالی کے برابر جب کہ آدھی مٹھی کا مطلب آدھی پیالی ہوتا ہے۔

انگوٹھے کا ایک پور میں کسی چیز کی موجودگی کا مطلب ایک چائے کا چمچ ہے جبکہ دو انگلیوں کے برابر کسی چیز کا مطلب دو اونس ہوتا ہے۔