پی ٹی آئی رہنما حلیم عادل شیخ نے کہا ہے کہ کراچی میں دھاندلی سے پی پی نے بلدیاتی انتخابات جیتے ہیں۔

تفصیلات کے مطابق پی ٹی آئی رہنما حلیم عادل شیخ نے پریس کانفرنس کرتے ہوئے کہا کہ اب جلد عام انتخابات ہونے والے ہیں اور عمران خان کی سربراہی میں پی ٹی آئی کامیابی حاصل کرے گی۔

انہوں نے کہا کہ کراچی میں دھاندلی سے پی پی نے بلدیاتی انتخابات جیتے ہیں اور یہ سب سسٹم کے لوگ ہیں۔

یہ بھی پڑھیں؛ پیپلزپارٹی اور ایم کیو ایم آؤ ملکر کھاتے ہیں کا تسلسل ہے، حلیم عادل شیخ

پی ٹی آئی رہنما حلیم عادل شیخ نے مزید کہا کہ یہ الیکشن غیر آئینی ہیں، کراچی میں دھاندلی سے پی پی نے بلدیاتی انتخابات جیتے ہیں اور یہ

سب سسٹم کے لوگ ہیں۔

دوسری جانب پی ٹی آئی رہنما علی زیدی نے بھی پریس کانفرنس کرتے ہوئے کہا کہ ہمارے عہدیدار ایم پی ایز بلدیاتی انتخابات کے دن سے رزلٹ لینے ڈی سی دفاتر پر بیٹھے رہے۔

انہوں نے کہا کہ تین ہوگئے لیکن رزلٹ نہیں دے رہے۔

ان کا کہنا تھا کہ پی پی والے جھنڈے میں موٹے ڈنڈے ڈال کر آئے، ہم پر پتھراؤ بھی کیا جبکہ میڈیا والے بھی زخمی ہوئے۔

علی زیدی نے کہا کہ پولیس فوج سمیت افسران کو ایم کیو ایم نے قتل کیا۔

انہوں نے کہا کہ آصف زرداری کو کراچی سمیت پوری سندھ میں چھوٹ دی جارہی ہے۔

یہ بھی پڑھیں؛ ہم آخری گیند تک لڑتے ہیں، علی زیدی

ان کا کہنا تھا کہ دادو میں بھی ہمارا دھرنا جاری ہے، لیاقت جتوئی سمت دیگر رہنما انڈس ہائی وے پر احتجاج کر رہے ہیں۔

ان کا یہ بھی کہنا تھا کہ علی پلہ ٹنڈوالہیار کے رہنما بھی احتجاج کر رہے ہیں۔

 پی ٹی آئی رہنما علی زیدی نے مزید کہا کہ پی ٹی آئی نے کل صبح 11 بجے ڈی آراوز کے دفتر کے باہر احتجاج کرنے کا فیصلہ کیا ہے۔