صدرِ پاکستان ڈاکٹر عارف علوی نے ایوان صدر میں ڈاؤن سنڈروم کے مرض میں مبتلا بچوں سے ملاقات کی اور کہا ہے کہ آج کے دن کا شمار ان کی زندگی کے یادگار دنوں میں شمار ہوتا ہے ۔
تفصیلات کے مطابق سوشل میڈیا پر اپنے ٹوئٹ میں صدر مملکت ڈاکٹر عارف علوی نے کہا ہے کہ جہلم سے آئے ڈاؤن سنڈروم سے متاثر بچے ایوانِ صدر تشریف لائے اور مجھ سے بڑی محبت کے ساتھ بغلگیر ہوے اور جھنڈا بھی پیش کیا۔
President Dr. Arif Alvi warmly receiving a child with down syndrome as he, along with a delegation of special children, called on him at the Aiwan-e-Sadr, Islamabad today. pic.twitter.com/ejVENbAJgu
— The President of Pakistan (@PresOfPakistan) February 18, 2020
انہوں نے کہا ہے کہ معاشرے میں ان کی عام انسانوں کی طرح رسائی کے حوالے سے مجھے فکر بھی ہے اور اس حوالے سے کوشش بھی جاری ہے۔
صدرِ پاکستان نے سماجی رابطے کی ویب سائٹ ٹوئٹر پر ایک تصویر شیئر کی، جس میں ڈاکٹر عارف علوی نے ڈاؤن سنڈروم کے مرض میں مبتلا بچے کو گلے سے لگایا ہوا ہے۔
صدر پاکستان کے ٹوئٹر سے شیئر کردہ تصویر کے نیچے لکھا تھا کہ’آج ڈاکٹر عارف علوی نے ایوانِ صدر اسلام آباد میں ڈاؤن سنڈروم کے مرض میں مبتلا بچوں سے ملاقات کی اور صدرِ پاکستان نے خصوصی طور پر اِن بچوں کا استقبال کیا۔‘
ڈاکٹر عارف علوی کی یہ تصویر دیکھ کر ٹوئٹر صارفین اُن کی تعریف کیے بغیر نہ رہ سکے۔
واضح رہے کہ ڈاؤن سنڈروم ایک پیدائشی مرض ہوتا ہے اِس مرض میں بچے کی ذہنی نشونما رُک جاتی ہے جبکہ کچھ بچوں کو جسمانی معذوری کا بھی سامنا کرنا پڑتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News