بی ویکس کا نام سنتے ہی ذہن میں شہد کی مکھیوں کا خیال آتا ہے، بی ویکس چہد کی مکھیوں کے چھتے سے حاصل ہونا والاموم ہوتا ہے جیسے یہ مکھیاں شہد ہی سے تیار کرتی ہیں جبکہ پھولوں کے زردانوں کے تیل  کی وجہ سے اس کا رنگ زرد ہوجاتا ہے۔

کیا آپ جانتے ہیں کہ ایک پاؤنڈ موم پیدا کرنے کے لیے چہد کی مکھیوں کو 6 سے 8 پاؤنڈ شہد کی ضرورت ہوتی ہے؟ برٹش بی کیپرز ایسوسی ایشن کا اندازہ ہے کہ شہد کی مکھیوں کو ایک پاؤنڈ موم تیار کرنے کے لیے ناقابل یقین 30 ملین پھولوں کا رس حاصل کرنا پڑتا ہے۔

شہد کی مکھیاں اس موم کو نہ صرف چھتا بنانے کے لیے استعمال کرتی ہیں بلکہ جب شہد چھتوں میں جمع ہوجاتا ہے تو وہ اسی موم سے اسے ڈھانپ بھی دیتی ہیں تاکہ یہ بیرونی ماحول سے محفوظ رہ سکیں۔

بی ویکس چونکہ شہد ہی ایک قدرے جمی ہوئی حالت تو یہ بھی شہد کی طرح بے حد افادیت رکھتا ہے۔ جسے جلد کے مختلف مسائل کے حل کے لیے استعمال کیا جاسکتا ہے، تاہم اس حوالے سے کوئی سائنسی ثبوت موجود نہیں ہے۔

ویسے تو اس کے صحت کے حوالے سے بہت سے فوائد ہیں تاہم یہاں پر صرف جلد کے لیے اس کی افادیت پیش کی جارہی ہے۔

یہ موم جلد کوصحت مند رکھنے اور اس کی قدرتی نمی کو برقرار رکھنے میں مدد فراہم کرتا ہے اسی لئے جلد کی حفاظت کی مصنوعات میں اسے استعمال کیاجاتا ہے۔ بی موم کو قدیم مصری زمانے سے جلد کی حفاظت کے لیے استعمال کیا جاتا رہا ہے۔ یہ میک اپ، سن اسکرین اور بچوں کے لیے تیار کی جانے والی مصنوعات میں بکثرت استعمال کیاجاتا ہے۔

یہ موم آپ کی جلد کو نرم اور ہموار رکھنے کے لیے نرم ایکسفولیئشن بھی فراہم کرتا ہے۔ شہد کی طرح، موم میں بھی طاقتور اینٹی بیکٹیریل اور اینٹی سوزش خصوصیات ہوتی ہیں، جو اسے خشک جلد کے لیے تیار کی جانے والی مصنوعات میں ایک مقبول جزو بناتی ہیں۔

یہ آپ کی جلد کے لیے اور کس طرح فائدہ مند ثابت ہوتا ہے جانتے ہیں۔

پھٹے ہوئے ہونٹوں کے لیے سکون اور شفا بخش

موم اور شہد پھٹے، خشک ہونٹوں کے لیے کسی مسیحا سے کم نہیں ہے اس مقصد کے لیے بی ویکس کی تھوڑی سی مقدار لے کر ہونٹوں پر لگائیں۔

 ایکزیما کے اثرات کو کم کریں

تحقیق کے مطابق موم، شہد اور زیتون کے تیل کا مرکب جلد کے مسائل جیسے ایگزیما کے لیے آرام دہ اور شفا یابی کو فروغ دینے میں موثر ہے۔

مہاسوں کو پرسکون اور کم کریں

چونکہ موم اور شہد دونوں سوزش اور اینٹی بیکٹیریل خصوصیات رکھتے ہیں اس لیے یہ مہاسوں سے لڑنے اور جلن والی جلد کو پرسکون کرنے میں مدد کرتے ہیں۔

 خشک جلد کو موئسچرائز کریں

شہد اور موم ہوا سے نمی کھینچ کر اور اسے بند کر کے خشک جلد کی قدرتی نمی کو برقرار رکھتے ہیں۔