اسٹیڈیم پر ڈرون کی پرواز، انگلش پریمیئر لیگ کا میچ روک دیا گیا

ویب ڈیسک

22nd Jan, 2023. 12:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹیڈیم پر ڈرون کی پرواز، انگلش پریمیئر لیگ کا میچ روک دیا گیا

انگلینڈ میں انگلش پریمیئر لیگ کے ایک میچ کے دوران اسٹیڈیم کے اوپر ڈرون کی پرواز کے باعث میچ کو روک دیا گیا۔

غیر ملکی میڈیا کی خبروں کے مطابق انگلش پریمیئر لیگ میں ساؤتھمپٹن اور آسٹن ولا کے درمیان کھیل کو ہفتے کے روز پہلے ہاف کے آخر میں سینٹ میری اسٹیڈیم کے ارد گرد ایک ڈرون کو اڑتے ہوئے دیکھا جانے کے بعد مختصر طور پر روک دیا گیا۔

ریفری مائیکل سیلسبری فضا میں ڈرون کو دیکھتے ہی تمام کھلاڑیوں کو مقررہ ہاف ٹائم کے وقفے سے چند منٹ قبل میدان چھوڑنے کی ہدایت کی اور میچ آفیشلز ٹنل کے قریب انتظار کرتے رہے۔

یہ بھی پڑھیں : پریمئیر لیگ 2022-23 سیزن کے لئے آفیشل فٹ بال کی رونمائی

ڈرون کچھ دیر تک اسٹیڈیم کے اوپر پرواز کرنے کے بعد واپس چلا گیا جس کے بعد میچ دوبارہ شروع کر دیا گیا۔

اسی طرح کا ایک واقعہ ایک سال قبل لندن میں بھی پیش آیا تھا جب برینٹ فورڈ اور ولور ہیمپٹن کے درمیان لیگ میچ کے پہلے ہاف میں کھیل تقریباً 20 منٹ کے لیے روک دیا گیا تھا کیونکہ ایک ڈرون میدان کے اوپر منڈلا رہا تھا۔

انگلش پریمیئر لیگ کی انتظامیہ نے ابھی تک اس ڈرون کے حوالے سے کوئی بیان جاری نہیں کیا ہے۔