چین میں ہر سال نئے قمری سال کے آغاز پر بڑے جوش و خروش کے ساتھ تہوار منایا جاتا ہے۔

تفصیلات کے مطابق نئے قمری سال کا یہ تہوار روایتی قمری شمسی کیلنڈر کے آغاز پر منایا جاتا ہے جسے چین میں نئے سال یا بہار کے تہوار کے نام سے جانا جاتا ہے۔

یہ چین میں سب سے اہم تہوار ہے اور یہ جنوبی کوریا (جہاں اسے سیولل کے نام سے جانا جاتا ہے) اور ویتنام میں (ٹیٹ کے طور پر) بڑے پیمانے پر منایا جاتا ہے۔

اس تہوار کے اثرات سنگاپور، انڈونیشیا، ملائیشیا، اور دوسرے ممالک میں پڑتے ہیں جہاں بڑی تعداد میں چینی لوگ آباد ہیں۔

قمری نئے سال کی تقریباً 3500 سال کی تاریخ ہے، قمری نئے سال کے بارے میں ایک بہت پرانی داستان آج بھی مشہور ہے کہ نیان نامی عفریت ہر نئے قمری سال کی شام گاؤں والوں پر حملہ کرتا تھا۔

نیان درندے کو بھگانے کے لیے لوگوں نے اونچی آواز، آگ اور سرخ رنگ کا استعمال کیا، اس تہوار میں ان عناصر کے ساتھ تقریبات آج تک محفوظ ہیں۔

چین کے قمری کیلنڈر میں سال کے 12 مہینے کسی نہ کسی جانور کے نام سے منسوب ہوتا ہے جس کی ترتیب میں چوہا، بیل، شیر، خرگوش، ڈریگن، سانپ، گھوڑا، بکرا، بندر، مرغ، کتا اور خنزیر شامل ہے۔

رواں سال کا تہوار خرگوش کے شروع ہو رہا ہے، چینی روایت میں خرگوش خوش بختی کی علامت سمجھا جاتا ہے، یہی وجہ ہے اس سال غیر معمولی طور پر بڑے پیمانے پر تہوار کی تقریبات جاری ہیں۔

زیادہ تر ممالک میں قمری سال کے ان مہینوں کی نشانیاں چینیوں سے ملتی جلتی ہیں، لیکن کچھ ممالک میں کچھ جانوروں میں فرق ہے۔

ویتنام کے قمری سال کے مہینے چینی مہینوں سے مشابہت رکھتے ہے سوائے اس کے کہ دوسرا جانور بیل کی بجائے بھینس ہے اور چوتھا جانور خرگوش کی بجائے بلی ہے۔

تھائی لینڈ کے قمری سال میں کوئی ڈریگن نہیں ہے بلکہ ایک ناگا ہے جو ایک بڑے سانپ کی طرح لگتا ہے۔

چین میں نئے قمری سال کا تہوار مناتے وقت ڈریگن کے خاکے بنائے جاتے ہیں جو نیان نامی درندے سے مطابقت رکھتا ہے۔