نقیب اللہ قتل کیس؛ راؤ انوار اور دیگر کی ضمانت خارج کرنے سے متعلق درخواست واپس

شاہد حسین

23rd Jan, 2023. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

نقیب اللہ قتل کیس؛ راؤ انوار اور دیگر کی ضمانت خارج کرنے سے متعلق درخواست واپس
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

نقیب اللہ قتل کیس؛ راؤ انوار اور دیگر کی ضمانت خارج کرنے سے متعلق درخواست واپس

نقیب اللہ قتل کیس میں مدعی مقدمہ نے راؤ انوار اور دیگر ملزمان کی ضمانت خارج کرنے سے متعلق درخواست واپس لے لی۔

تفصیلات کے مطابق سندھ ہائی کورٹ میں مرکزی ملزم راؤ انوار اور دیگر ملزمان کی ضمانت منسوخی کی درخواست کی سماعت ہوئی۔

مدعی مقدمہ نے راؤ انوار اور دیگر ملزمان کی ضمانت خارج کرنے سے متعلق درخواست واپس لے لی، وکیل درخواست گزار نے عدالت سے کہا کہ کیس کا ٹرائل مکمل ہوچکا ہے، ملزمان کے خلاف کیس مزید نہیں چلانا چاہتے۔

سندھ ہائی کورٹ نے درخواست واپس لینے کے بعد کیس خارج کردیا۔

درخواست کی سماعت جسٹس محمد اقبال کلہوڑو کی سربراہی میں دو رکنی بنچ نے چیمبر میں کی۔

انسداد دہشت گردی عدالت نے راؤ انوار، ڈی ایس پی قمر اور دیگر کو ضمانت پر رہا کرنے کا حکم دیا تھا۔ نقیب اللہ کے والد نے اے ٹی سی کے فیصلے کو سندھ ہائی کورٹ میں چیلنج کیا تھا۔

واضح رہے کہ 13 جنوری 2018 کو ملیر کے علاقے شاہ لطیف ٹاؤن میں سابق ایس ایس پی ملیر راؤ انوار نے نوجوان نقیب اللّٰہ کو دیگر 3 افراد کے ہمراہ دہشت گرد قراردے کر مقابلے میں مار دیا تھا۔

بعد ازاں 27 سالہ نوجوان نقیب اللّٰہ کے سوشل میڈیا اکاؤنٹ پراس کی تصاویر اور فنکارانہ مصروفیات کے باعث سوشل میڈیا پر خوب لے دے ہوئی اور پاکستانی میڈیا نے بھی اسے ہاتھوں ہاتھ لیا۔