نیوزی لینڈ میں کی جانے والی ایک تحقیق کے مطابق صرف چھ منٹ کی تیز رفتار ورزش دماغ میں ایک اہم پروٹین کی افزائش میں اضافہ کرتی ہے جو دماغ کی بناوٹ، افعال اور یادداشت میں بنیادی کردار ادا کرتا ہے۔

اس پروٹین کو دماغ کا نیوروٹروفک فیکٹربی ڈی این ایف کہا جاتا ہے، یہ دماغ میں نیورون خلیات کی نشوونما اور بقا دونوں کو فروغ دیتا ہے، ساتھ ہی ساتھ نئے روابط اور سگنلنگ کے راستے ہموار کرتا ہے۔

نیوزی لینڈ کی یونیورسٹی آف اوٹاگو سے تعلق رکھنے والے ماحولیاتی فزیالوجسٹ ٹریوس گبنس کا کہناہے کہ دوا سازکمپنیاں اب تک انسانوں میں اس اہم پروٹین کی پیداوار بڑھانے اوراس کی طاقت کو محفوظ طریقے سے استعمال کرنے میں ناکام رہی ہیں۔

لہذا انھوں نے اس کے لیے غیر روایتی طریقوں کی تلاش کیا جو اس پروٹین کی پیداورکو بڑھا کر اسے مستقبل میں استعمال کرتے ہوئے دماغی امراض سے بچا سکے۔

اس مقصد کے لیے محققین نے جسمانی طور پر فعال 12 رضاکاروں کو شامل کیا جن کی عمریں  18 سے 56 سال کے درمیان تھی، ان تمام  شرکاء کو تین مختلف ٹیسٹ کے ذریعے جانچا گیا، تاکہ یہ معلوم کیا جا سکے کہ دماغ میں بی ڈی این ایف  کی پیداوار بڑھانے کے لیے کون سا بہترین ہے اس میں  20 گھنٹے کا روزہ، 90 منٹ سائیکل چلانا، یا 6 منٹ کی بھرپور سائیکلنگ۔

مختصر وقت کے لیے تیز رفتار یعنی شدید سائیکلنگ نے اس پروٹین کی پیداوار بڑھانے حیران کن نتائج فراہم کئے، درحقیقت، اس نے خون میں بی ڈی این ایف کی سطح کو چار یا پانچ گنا بڑھایا، اس کے برعکس  ہلکی ورزش کے بعد معمولی اضافہ نوٹ کیاگیا تاہم روزے کے ساتھ کوئی تبدیلی نہیں ہوئی۔

نتائج کے مطابق زیادہ شدت والی ورزش کو دماغ کو صحت مند رکھنے اور بیماری سے بچانے کے لیے ایک آسان، سستے طریقے کے طور پر استعمال کیا جا سکتا ہے۔ اس طرح سخت ترین ورزش  نہ صرف دماغی صحت بلکہ مجموعی صحت کو برقرار رکھنے میں معاون ثابت ہوسکتی ہے۔