پاکستان کرکٹ ٹیم کے آل راؤنڈر شاداب خان نے نکاح کرلیا۔

پاکستان سپر لیگ کی ٹیم اسلام آباد یونائیٹڈ کے کپتان شاداب خان نے اپنے ٹوئٹر اکاؤنٹ پر مداحوں کو اپنے نکاح کی خوشخبری دیتے ہوئے کہا کہ الحمد اللہ آج میرا نکاح تھا، یہ میری زندگی کا بہت بڑا دن تھا اور آج ایک نئے باب کا اضافہ ہوا ہے۔

قومی ون ڈے ٹیم کے نائب کپتان شاداب خان نے اپنی ٹوئٹ میں لکھا کہ مہربانی کرکے میرے انتخاب ، میری اہلیہ اور خاندان کا احترام کریں۔ میری طرف سے آپ سب کے لیے دعائیں اور ڈھیر سارا پیار۔

Alhamdulilah today was my Nikkah. It is a big day in my life and start of a new chapter. Please respect my choices and those my my wife’s and our families. Prayers and love for all pic.twitter.com/in7M7jIrRE

Advertisement

— Shadab Khan (@76Shadabkhan) January 23, 2023

اسلام آباد یونائیٹڈ کے کپتان نے مزید لکھا کہ میں اپنے مینٹور ثقی بھائی (ثقلین مشتاق) کے خاندان کا حصہ بن رہا ہوں، جب میں نے کرکٹ کھیلنی شروع کی تب سے میں اپنی نجی زندگی کو علیحدہ رکھنا چاہتا تھا اور میری فیملی نے بھی اسی عمل کو ترجیح دی۔

یہ بھی پڑھیں؛ لگتا ہے میرا ٹائم بھی اب آنے والا ہے، شاداب خان

لیگ اسپنر نے کہا کہ میری اہلیہ بھی چاہتی ہیں کہ ہماری زندگی نجی ہی رہے، وہ اسے پبلک نہیں کرنا چاہتی لہذا آپ سے گزارش ہے کہ ہمارے خاندان کی خواہش کا احترام کریں۔

آخر میں شاداب خان نے لکھا ’’البتہ اگر پھر بھی آپ لوگ سلامی بھیجنا چاہیں تو میں آپ کو اپنا اکاؤنٹ نمبر بھیج دوں گا‘‘۔

واضح رہے کہ قومی ٹیم کے آل راؤنڈر شاداب خان کا نکاح پاکستان کرکٹ ٹیم کے ہیڈ کوچ ثقلین مشتاق کی صاحبزادی سے ہوا ہے۔