الیکشن کمیشن کو غیرجانبداری کا مظاہرہ کرتے ہوئے نتائج جاری کرنے چاہیئں، خرم شیر زمان

ویب ڈیسک

24th Jan, 2023. 05:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کو غیرجانبداری کا مظاہرہ کرتے ہوئے نتائج جاری کرنے چاہیئں، خرم شیر زمان

پی ٹی آئی پارلیمانی لیڈر سندھ اسمبلی خرم شیر زمان نے کہا ہے کہ الیکشن کمیشن کو غیرجانبداری کا مظاہرہ کرتے ہوئے نتائج جاری کرنے چاہیئں۔

تفصیلات کے مطابق پی ٹی آئی پارلیمانی لیڈر سندھ اسمبلی خرم شیر زمان کی سربراہی میں پارلیمانی پارٹی کا اجلاس ہوا جس میں پی ٹی آئی اراکین سندھ اسمبلی نے بھی شرکت کی۔

اس موقع پر کراچی حیدرآباد کے بلدیاتی الیکشن کے نتائج اور کارکنان کی گرفتاریوں سمیت دیگر امور پر گفتگو ہوئی اور آئندہ سندھ کے سیاسی لائحہ عمل سے متعلق بھی مشاورت ہوئی۔

اجلاس میں الیکشن کمیشن کے روئیے پر ارکان اسمبلی کی جانب سے تشویش کا اظہار کیا گیا اور خرم شیر زمان نے کہا کہ عمران خان کی پارٹی کی مخالفت میں الیکشن کمیشن کھل کر سامنے آگیا ہے۔

یہ بھی پڑھیں؛ عوامی ووٹ صرف عمران خان کا ہے، خرم شیر زمان

انہوں نے کہا کہ بلدیاتی الیکشن کے جاری نتائج سے ملک کی سب بڑی جماعت مطمئن نہیں ہے جبکہ بلدیاتی الیکشن پر امن و شفاف بنانا الیکشن کمیشن کی ذمہ داری تھی۔

ان کا کہنا تھا کہ ریکاؤنٹنگز میں تحریک انصاف کی مزید 2 نشستوں پر آج اضافہ ہوا ہے۔

یہ بھی پڑھیں؛ الیکشن کمیشن عمران خان کے معاملے پر جانب دار ہے، خرم شیر زمان

پی ٹی آئی پارلیمانی لیڈر سندھ اسمبلی خرم شیر زمان نے مزید کہا کہ الیکشن کمیشن کو غیرجانبداری کا مظاہرہ کرتے ہوئے نتائج جاری کرنا چاہیئں۔