کیا آپ جانتے ہیں کہ نئے دن کا آغاز رات 12 بجے ہی کیوں ہوتا ہے؟ اگر نہیں تو آج ہم آپ کو بتائیں گے۔

 دراصل قدیم مصر میں دن کو 24 حصوں یا گھنٹوں میں تقسیم کیا گیا تھا اور وقت کا تعین کرنے کے لیے آسمان پر سورج کی پوزیشن کو مدنظر رکھا جاتا تھا۔

اس سسٹم کو اب سن ڈائل کا نام دیا گیا ہے اور چونکہ رات کو سن ڈائل سسٹم کام نہیں کرسکتا تھا تو یہ ضروری تھا کہ دوپہر اور آدھی رات کا تعین ہو تو اس کے لیے اے ایم پی ایم جیسی اصطلاحات استعمال ہوئیں۔

سن ڈائل کی ایجاد صفر یا 0 سے ایک ہزار سال قبل ہوئی تھی تو دن کے درمیانی حصے کے لیے نمبر 12 کا استعمال ہوا۔

قدیم روم میں اے ایم اور پی ایم کے نظام کو اپنا لیا گیا تھا اور اس کے مطابق 12، 12 گھنٹوں کے 2 گروپس بنائے، یعنی 12 گھنٹے دن کے جبکہ 12 گھنٹے رات کے۔

159 قبل مسیح میں روم میں واٹر کلاک کی آمد ہوئی جو رات کے 12 گھنٹوں کے بارے میں بھی بتا سکتی تھی۔

اسی کے باعث رومیوں نے کاروباری و سماجی مصروفیات کے لیے نصف شب سے نئے دن کا آغاز کرنا شروع کیا۔

رومیوں کا خیال تھا کہ دوپہر میں تاریخ کا بدلنا بہت زیادہ الجھا دینے والا ہوگا، جیسے منگل کو دوپہر کا کھانا کھایا اور بدھ کو کام پر واپس پہنچے، جس سے مختلف مسائل پیدا ہوسکتے تھے۔

وقت کیساتھ استعمال ہونیوالے ‘am’ اور ‘pm’ کا کیا مطلب ہے؟ جانیے

ہم سب ہی وقت کے ساتھ اے ایم اور پی ایم کا استعمال کرتے ہیں لیکن اکثریت اس بات سے ناواقف ہے کہ ان کے مخفف کیا ہیں۔

کیا آپ کو اے ایم اور پی ایم کا مخفف پتا ہے؟ اگر نہیں تو آج ہمیں یہی بتائیں گے۔

انگلش زبان کے بیشتر الفاظ کو لاطینی زبان سے اخذ کیا گیا ہے اور اسی وجہ سے ان کے مخفف عام استعمال ہوتے ہیں ، اے ایم لاطینی جملے ante meridiem کا مخفف ہے جس کا مطلب دوپہر سے پہلے یا بی فور نون ہے۔

پی ایم کی بات کی جائے تو یہ لاطینی جملے post meridiem کا مخفف ہے جس کا مطلب دوپہر کے بعد یا آفٹر نون ہے۔

بیشتر ممالک میں اے ایم اور پی ایم کو دن اور رات کے وقت کو ظاہر کرنے کے لیے استعمال کیا جاتا ہے لیکن وہاں بھی اکثریت کو اس بات کا علم نہیں کے ان کے مخفف کیا ہیں۔