پاکستان کو 200 ملین ڈالرز کی امداد پر چیک اینڈ بیلنس رکھیں گے، نیڈ پرائس

ویب ڈیسک

26th Jan, 2023. 02:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو 200 ملین ڈالرز کی امداد پر چیک اینڈ بیلنس رکھیں گے، نیڈ پرائس

امریکی محکمہ خارجہ کے ترجمان نیڈ پرائس کا کہنا ہے کہ پاکستان کو 200 ملین ڈالرز کی امداد پر چیک اینڈ بیلنس رکھیں گے۔

واشنگٹن میں پریس کانفرنس کے دوران ترجمان امریکی محکمہ خارجہ نیڈ پرائس کا کہنا تھا کہ امداد کے استعمال کے معاملے کو سنجیدگی سے دیکھتے ہیں، اپنی امداد کی مانیٹرنگ کے لیے مختلف جگہوں کے دورے کیے جاتے ہیں۔

نیڈ پرائس نے کہا کہ امریکہ کا ڈیزاسٹر سینٹر پاکستان کے کئی علاقوں کا دورہ کر چکا ہے۔ ہم اقوام متحدہ اور غیر سرکاری تنظیموں کے ساتھ مل کر کام کر رہے ہیں۔

انہوں نے مزید کہا کہ پاکستان میں اپنے شہریوں کو خطرات سے آگاہ کیا ہے، ٹریول ایڈوائزری ملکوں کے حالات کے مطابق تیار کی جاتی ہے۔

مودی کے گجرات میں مسلمانوں کے قتل عام کی بی بی سی کی دستاویزی فلم پر بھارت میں پابندی عائد کیے جانے پر ایک سوال کے جواب میں نیڈ پرائس نے کہا کہ ہم آزاد صحافت کی حمایت کرتے ہیں ۔

امریکی محکمہ خارجہ کے ترجمان نے کہا کہ جمہوریت کی مضبوطی کے لیے اظہار رائے، مذہبی آزادی اور انسانی حقوق اہم حیثیت رکھتے ہیں۔

انہوں نے مزید کہا کہ ان معاملات پر دنیا بھر کے ساتھ گفتگو ہوتی رہتی ہے۔ بھارت کے ساتھ بھی ہمارا موقف یہی ہے۔