کوئٹہ: ضلع خضدار میں زلزلے کے جھٹکے محسوس کئے گئے ہیں۔

تفصیلات کے مطابق خضدار میں زلزلے کے جھٹکے محسوس کئے گئے ہیں جس کی شدت 4 اعشاریہ 4 ریکارڈ کی گئی ہے ۔

اس حوالے سے زلزلہ پیما مرکز  کا کہنا تھا زلزلے کی شدت ریکٹر اسکیل پر 4۔4 ریکارڈ جبکہ گہرائی 33 کلومیٹر تھی جبکہ مرکز خضدار سے 80 کلومیٹر دور جنوب مغرب کی جانب تھا۔

یہ بھی پڑھیں: لاہور اور گرد و نواح میں زلزلے کے جھٹکے

اس سے قبل بلوچستان کے ضلع خاران میں زلزلے کے جھٹکے محسوس کئے گئے  تھے جس کی شدت 3 اعشاریہ 7 ریکارڈ کی گئی تھی۔

علاوہ ازیں ملک کے مختلف شہروں میں زلزلے کے شدید جھٹکے محسوس کیے گئے تھے جس کی شدت 5.8 بتائی گئی تھی۔

اسلام آباد، آزاد کشمیر، خیبر پختونخوا، گلگت بلتستان اور پنجاب کے شمالی علاقوں میں زلزلے کے جھٹکے محسوس کیے گئے ہیں جبکہ اسلام آباد، پشاور، دیر، چترال، شمالی وزیرستان، پارا چنار، مالاکنڈ، کوہاٹ، سوات، مہمند، شبقدر اور لکی مروت اور ان علاقوں کے گردونواح میں زلزلے کے شدید جھٹکے محسوس کیے گئے۔

 پنجاب میں بھی لاہور، راولپنڈی، حافظ آباد، مری، لاہور، کمالیہ، منڈی بہاءالدین، سرگودھا، خوشاب اور جہلم اور ان علاقوں کے گردونواح میں زلزلے کے شدید جھٹکے محسوس کیے گئے۔

چکوال اور گردونواح، سوات، مالاکنڈ ڈویژن، بنوں ، مانسہرہ ، عباس پور آزاد کشمیر، دیامر اور گردونواح میں بھی زلزلے کے شدید جھٹکے محسوس کیے گئے ہیں جبکہ پاکپتن، ننکانہ صاحب، گوجرانوالہ اور گردونواح، ڈی جی خان اور راجن پور میں بھی زلزلے کے جھٹکے محسوس کیے گئے۔