چین سے کئی ایشیائی اور یورپی ممالک میں پھیلنے والے مہلک کورونا وائرس کا پاکستان کے معاشی حب کراچی میں بھی مشتبہ کیس سامنے آ گیا۔
تفصیلات کے مطابق 22سالہ پاکستانی طالبعلم کو مشتبہ کورونا وائرس کا مریض قرار دے دیا گیا۔چین سے آئے نوجوان میں نوول کورونا وائرس کی علامات ظاہر ہوئی ہیں۔
13 فروری کو چین سے کراچی آنے والے نوجوان کو 2 روز قبل ڈاؤ یونیورسٹی اسپتال میں لایا گیاتھا۔نمونوں کے ابتدائی طبی تجزیے نے ڈاکٹروں کو تشویش میں مبتلا کر دیا ہے۔
ڈاکٹرز نے تصدیق کے لئے نمونے قومی ادارہ برائے صحت کو اسلام آباد روانہ کر دیے ہیں جبکہ نوجوان کو ڈاؤ یونیورسٹی اسپتال کے آئسولیشن وارڈ میں داخل کر دیا گیا ہے۔
ڈاؤ یونیورسٹی اسپتال کے ترجمان کا کہنا ہے کہ اب تک یہ نوجوان مشتبہ کورونا وائرس کا مریض ہے۔
شہر قائد میں کورونا وائرس کا مشتبہ کیس سامنے آنے کے بعد محکمہ صحت کے حکام میں تشویش ی لہر دوڑ گئی ہے۔
یاد رہے کہ اس سے قبل ایک نجی اسپتال کے آئسولیشن وارڈ میں کورونا وائرس کے 21 مشتبہ مریض لائے گئے تھے جن کی رپورٹ کلئیر قرار دی جا چکی ہے اور تاحال ملک میں کہیں بھی کورونا وائرس کی تصدیق نہیں ہوئی ہے۔
واضح رہے کہ چین میں کورونا وائرس سے ہلاکتوں کی تعداد 2118ہوگئی ہے جبکہ متاثرہ افراد کی تعداد75ہزار سے تجاوزکرگئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News