ذرائع نے خبررساں ایجنسی ایکسیوزکوبتایا کہ اسرائیل نے روس کے ساتھ تنازع کے دوران یوکرین کو اپنی فرسودہ ہاک بیٹریاں اورزمین سے فضا میں مارکرنے والے میزائل فراہم کرنے کے لیے جو بائیڈن انتظامیہ کی درخواست کو مسترد کر دیا ہے۔

امریکی خبررساں ادارے ایکسیوز نے بدھ 25 جنوری کورپورٹ کیا کہ ایک امریکی اورتین اسرائیلی حکام نے کہا کہ واشنگٹن نے تقریباً دو ہفتے قبل اس معاملے پراسرائیل سے رابطہ کیا تھا۔

رپورٹ کے مطابق اس کا جواب منفی تھا، اسرائیلی وزارت دفاع کے ایک سینئراہلکار نے امریکہ کو بتایا کہ یوکرین کو ہتھیار فراہم نہ کرنے کی اسرائیل کی پالیسی میں کوئی تبدیلی نہیں آئی، اور یہ کہ ہاک سسٹم ’’متروک‘‘ ہوچکے ہیں اور اب کام نہیں کرتے۔

اسرائیلی حکام نے ایکسیوزکو بتایا کہ جواب مکمل طور پردرست نہیں تھا، جس سے معلوم ہوتا ہے کہ جب لانچرزغیر فعال تھے، تب بھی انٹرسیپٹرمیزائلوں کی تجدید اورانہیں استعمال میں لایا جا سکتا تھا۔

مضمون کے ایک ذرائع کے مطابق اسرائیل کے پاس دس ہاک طیارہ شکن بیٹریاں اورسینکڑوں میزائل ذخیرے میں ہیں۔ اسرائیل نے انہیں 1960ء کی دہائی میں امریکہ سے خریدا تھا، جب وہ جدید ترین ٹیکنالوجی کے حامل تھے۔

بشکریہ: آر ٹی