نگراں وزیر اعلیٰ پنجاب محسن نقوی کے خلاف ایک اور درخواست دائر

طیب بلوچ

30th Jan, 2023. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

نگراں وزیر اعلیٰ پنجاب محسن نقوی کے خلاف ایک اور درخواست دائر
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

نگراں وزیر اعلیٰ پنجاب محسن نقوی کے خلاف ایک اور درخواست دائر

سپریم کورٹ میں نگران وزیراعلیٰ پنجاب محسن نقوی کے خلاف ایک اور درخواست دائرکر دی گئی۔

تفصیلات کے مطابق سپریم کورٹ میں نگراں وزیراعلٰی پنجاب محسن نقوی کے خلاف درخواست شہری شاہد اورکزئی نے دائرکی۔

درخواست گزار شہری شاہد اورکزئی کی جانب سے عدالتِ عظمٰی سے استدعا کی گئی کہ نگراں وزیراعلیٰ پنجاب کو فی الفور کام کرنے سے روکا جائے اور آئی جی پنجاب اور سی سی پی او لاہور کے تبادلے فوری معطل کیے جائیں۔

درخواست گزار کی طرف سے وکیل نے عدالت سے سوال کیا کہ جو شخص اسمبلی کا رکن نہ رہا ہو کیا وہ نگراں وزیر اعلی بن سکتا ہے؟ نگراں وزیراعلیٰ کیلئے تمام نامزدگیاں غیرآئینی تھیں۔

درخواست میں کہا گیا کہ صوبہ پنجاب کا انتظامی کنٹرول پاکستان مسلم لیگ ن کو سونپ دیا گیا ہے، پنجاب اسمبلی کے آئندہ انتخابات کو عملاً ناممکن بنا دیا گیا ہے۔ وزیراعلیٰ پنجاب اوراپوزیشن لیڈر نگراں وزیراعلیٰ کے آئینی تقرر کو سمجھنے سے قاصر رہے۔

درخواست گزار شہری نے مؤقف اپنایا کہ الیکشن کمیشن وزیراعلیٰ پنجاب کے تقرر کیلئے رائے دہی کا مجاز نہیں، نگراں وزیراعلیٰ کیلئے ایک ایسے شخص کا نام دیا گیا جو ابھی سرکاری ملازمت سے ریٹائر ہی نہیں ہوا تھا، سرکاری ملازم ریٹائرمنٹ کے دو سال بعد تک کوئی عوامی عہدہ قبول نہیں کرسکتا۔