بول کی خبر کے بعد کرکٹ حلقوں کی جانب سے پی سی بی پر ہونے والی تنقید کے بعد بورڈ نے مکی آرتھر کے لیے نیا عہدہ مرتب کر دیا۔

تفصیلات کے مطابق پاکستان کرکٹ ٹیم کے لیے بطور ہیڈ کوچ مکی آرتھی کی تعیناتی کے حوالے سے بول نیوز پر نشر ہونے والی خبروں کے بعد پی سی بی نے مکی آرتھر کے لیے نیا عہدہ مرتب کر لیا ہے۔

ذرائع کے مطابق پاکستان کرکٹ بورڈ نے قومی کرکٹ ٹیم کے لیے ہیڈ کوچ کا عہدہ ختم کرنے کا فیصلہ کر لیا ہے اور مکی آرتھر کی ٹیم میں تعیناتی کے لیے ’ٹیم ڈٓائریکٹر‘ نامی نیا عہدے مرتب کرنے کا فیصلہ کیا ہے۔

ذرائع کے مطابق پاکستان کی کرکٹ ٹیم اب ہیڈ کوچ کے بغیر اسسٹنٹ کوچز کی زیر نگرانی سیریز کھیلے گی۔

واضح رہے کہ پاکستان کرکٹ بورڈ کے ساتھ متوقع معاہدے کے پیش نظر مکی آرتھر کا قومی کرکٹ ٹیم کے ساتھ ہونا ضروری ہے لیکن مکی آرتھر انگلش کاؤنٹی سیزن کے دوران پاکستانی ٹیم کے ساتھ سفر نہیں کریں گے۔

ذرائع کا کہنا ہے کہ مکی آرتھر پاکستانی ٹیم کے ساتھ بھارت میں ہونے ورلڈ کپ 2023 اور آسٹریلیا میں کینگروز کے خلاف ہونے والی سیریز میں شامل ہوں گے۔

ذرائع کے مطابق متوقع ’ٹیم ڈائریکٹر‘ مکی آرتھر کی سہولت کے لیے پاکستان کرکٹ بورڈ نے ’چیف آف اسٹاف‘ مقرر کرنے کا بھی فیصلہ کر لیا ہے۔

ذرائع کا کہنا ہے کہ اس حوالے سے اسلام آباد یونائیٹڈ کے جنرل مینجر ریحان الحق بطور ٹیم مینجر پاکستان کرکٹ ٹیم مقرر کرنے کا فیصلہ کر لیا گیا ہے۔

پی سی بی کے اندرونی ذرائع کا کہنا ہے کہ ریحان الحق بنیادی طور پر مکی آرتھر کے چیف آف سٹاف کے طور پر کام کرینگے۔

ذرائع کے مطابق پاکستان کرکٹ بورڈ مکی آرتھر کے ساتھ بیٹنگ، باؤلنگ، فیلڈنگ 3 اسسٹنٹ کوچز رکھے گا جبکہ گرانٹ بریڈبرن کو بطور فیلڈنگ اسسٹنٹ کوچ مقرر کرنے کا فیصلہ کیا گیا ہے۔