انگلینڈ کے سابق بلے باز کو ویسٹ انڈیز کے خلاف ٹیسٹ سیریز کے لیے زمبابوے کی ٹیم میں شامل کرلیاگیا ہے۔

تفصیلات کے مطابق  انگلینڈ کے سابق بلے باز گیری بیلنس ویسٹ انڈیز کے خلاف آئندہ سیریز کے لیے زمبابوے کی ٹیم میں شامل ہونے کے بعد اپنے آبائی ملک کے لیے پہلا ٹیسٹ  میچ کھیلنے کے لیے تیار ہیں۔

Zimbabwe have named their squad for their upcoming two-match Test series against the West Indies.

Details 👇https://t.co/MFchPqCZ8P

Advertisement

— ICC (@ICC) February 1, 2023

گیری بیلنس نے گزشتہ دہائی  کے دوران انگلینڈ کے لیے 23 ٹیسٹ  میچز کھیلے، لیکن حال ہی میں انہوں نے اپنے آبائی وطن زمبابوے سے کھیلنے کا فیصلہ کیا اور گزشتہ ماہ آئرلینڈ کے خلاف وائٹ بال سیریز کے دوران جلوہ گر ہوچکے ہیں۔

اگر وہ پلیئنگ الیون میں جگہ بنانے میں کامیاب ہوجاتے ہیں تو ان کا جولائی 2017 کے بعد پہلا ٹیسٹ  میچ ہوگا۔ آخری ٹیسٹ میچ میں انہوں نے انگلینڈ کی جانب سے جنوبی افریقہ کے خلاف 27  اور 4 رنز بنائے تھے۔

مزید پڑھیں: اگلی مرتبہ اصلی مسٹر بین کو زمبابوے بھیجیے گا، زمبابوین صدر کا جیت پر تبصرہ

آل راؤنڈر سکندر رضا اور ریان برل اسکواڈ میں جگہ نہیں  بناسکے کیونکہ دونوں کھلاڑی  فرنچائز کرکٹ کھیلنے میں مصروف ہیں جبکہ زخمی شان ولیمز کی جگہ   کریگ ارون ٹیم کی کپتانی کریں گے۔

زمبابوے اسکواڈ:

 گیری بیلنس، چمونوروا چبھابھا، تاناکا چیوانگا، کریگ اروین(کپتان)، بریڈلی ایونز، جویلورڈ گومبی، انوسینٹ کایا، تنونوروا ماکونی، ویلنگٹن مساکاڈزا، کدزئی مونزے، برینڈن ماووٹا ، رچرڈ نگاروا، وِکٹر  نایوچی، ملٹن شمبا، ڈونلڈ تریپانو،  تفادزوا تسیگا