آئی ایم ایف نے پاکستانی معیشت کیلئے بڑے خطرات کی نشاندہی کر دی

عمر حیات خان

04th Feb, 2023. 03:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف نے پاکستانی معیشت کیلئے بڑے خطرات کی نشاندہی کر دی

عالمی مالیاتی ادارے(آئی ایم ایف) نے پاکستانی معیشت کے لیے بڑے خطرات کی نشاندہی کر دی۔

تفصیلات کے مطابق عالمی مالیاتی ادارے( آئی ایم ایف) کی جانب سے کی جانے والی نشاندہی میں معاشی اصلاحات میں تاخیر، قرضوں اور مہنگائی میں اضافہ، زرمبادلہ ذخائر میں کمی شامل ہے۔

آئی ایم ایف نے موجودہ معاشی و مالی مشکلات کی بڑی وجہ قرض پروگرام پر موثر عمل نہ ہونے کو قرار دیا ہے۔

حکومت کی جانب سے آئی ایم ایف کو آئندہ ہفتے ریونیو بڑھانے کے لیے اقدامات کرنے کی یقین دہانی کروائی گئی ہے۔

آئی ایم ایف نے سگریٹس اور فضائی ٹکٹ پر ٹیکس برھانے کی تجویز دی ہے۔

آئی ایم ایف نے تجویز میں کہا ہے کہ فضائی ٹکٹ پر 17 فیصد فیڈرل ایکسائز ڈیوٹی لگانے اور مہنگے سگریٹس پر 50 پیسے فی اسٹک ایکسائز ڈیوٹی بڑھائی جائے۔

آئی ایم ایف نے انرجی ڈرنکس پر ٹیکس بڑھانے اور بینکوں کی آمدن پر لیوی لگانے کی بھی تجویز دی ہے۔

اس کے علاوہ پیٹرولیم ڈیویلپمنٹ لیوی میں مزید اضافہ اور 17 سے 18 فیصد جی ایس ٹی لگانے کی بھی تجویز دی گئی ہے۔