ممبئی پولیس نےکیسے ہندوستان کے مالیاتی دارالحکومت سے غنڈوں کا قلع قمع کیا!

اگر آپ نے بھارتی صحافی حسین زیدی کی ہندوستانی انڈر ورلڈ کے بارے میں کتاب پڑھی ہے، تو نیٹ فلکس کی دستاویزی فلم ’ممبئی مافیا: پولیس بمقابلہ انڈر ورلڈ‘ ایسی چیز ہے جسے آپ کو مس نہیں کرنا چاہئے۔ یہ آپ کو ان کی کتابوں ’ڈونگری سے دبئی‘، بائیکولہ سے بنکاک‘ اور ’مائی نیم از ابو سالم‘ کا بصری منظر نامہ پیش کرتی ہے۔جب کہ اس میں یہ بتایا گیا ہے کہ ہندوستانی پولیس کس طرح ہندوستان کے مالیاتی دارالحکومت کا کنٹرول ان لوگوں سے واپس لینے میں کامیاب رہی جو خود کو قانون سے ماورا سمجھتے تھے۔

راگھو ڈار اور فرانسس لونگ ہرسٹ کی زیر ہدایت بننے والی اس فلم کے پروڈیوسرز مارگن میتھیوز اور صوفی جونز ہیں۔ یہ دستاویزی فلم ایک ایسے شہر کی کہانی بیان کرتی ہے جسے اس کی بہادر پولیس فورس کی مدد کے بنا بچایا نہیں جاسکتا تھا، جنہوں نے خطرناک بدمعاشوں کا شکار کرنے کے لیے ہر چیز کو بالائے طاق رکھ دیا۔

تاہم، اس طرح کی دیگر دستاویزی فلموں کے برعکس، یہ قانون کا تاریک پہلو بھی لاتی ہے جس میں دکھایا گیا ہے کہ کس طرح کچھ پولیس والوں نے مالی فائدے کے لیے اپنی طاقت کا غلط استعمال کیا اور بعد میں انہیں اس کی سزا دی گئی۔

یہ دستاویزی فلم ان لوگوں کے لیے چشم کشا حقائق بیان کرتی ہے جو سمجھتے ہیں کہ ممبئی بھی کبھی گینگسٹرز کی آماجگاہ  تھا۔ یہ فلم دکھاتی ہے کہ ایک وقت تھا  جب ممبئی پر جرائم پیشہ افراد کی حکمرانی تھی۔فلم میں ممبئی سے گینگسٹر کا خاتمہ کرنے والے پولیس افسران کے انٹرویوز بھی شامل کیے گئے ہیں، جن میں سے ایک نام لیجنڈری بشمول افسانوی آفتاب احمد خان کا بھی ہے۔ جنہوں نے بدنام زمانہ انسداد دہشت گردی اسکواڈ (اے ٹی ایس) کی بنیاد رکھی۔ اسی طرح جرائم کی کوریج کرنے والے صحافی حسین زیدی جنہوں نے جرائم کی کوریج کی، غرض یہ کہ یہ دستاویزی فلم ناظرین کے لیے دلچسپی کے ہر زاویے سے احاطہ کرتی ہے۔

چونکہ 90 کی دہائی کے زیادہ تر انکاؤنٹر اسپیشلسٹ ابھی تک زندہ ہیں (آفتاب احمد خان اپنے خیالات کو ریکارڈ کرانے کے بعد پچھلے سال انتقال کر گئے تھے)، یہ سب پولیس مقابلے کی ضرورت کے بارے میں اپنے ذہن کی بات کرتے ہیں کہ اس نے کس طرح غیر محفوظ سمجھے جانے والے شہر کو بچانے میں کس طرح مدد کی جو اس وقت تک ناقابل محفوظ سمجھا جاتا تھا۔ کیا ممبئی (پہلے بمبئی کے نام سے جانا جاتا تھا) بھتہ خوری، دہشت گردی اور قتل جیسے جرائم سے بچ جاتا اگر ان انکاؤنٹر اسپیشلسٹ نہ ہوتے تو؟ یہ ایک ملین ڈالر سوال ہوسکتا تھا لیکن اس دستاویزی فلم کو دیکھنے کے بعد ایسا لگتا ہے کہ اگر پولیس فورس نہ ہوتی تب بھی اس شہر کچھ عرصے چل سکتا تھا۔

صحافی پوجا چنگوئی والا ہو، ڈی کمپنی کے سابق رکن شیام کشور ہوں یا بعد میں بدنام پولیس اہلکار پردیپ شرما، ہر کوئی اس دستاویزی فلم میں کہانی کا اپنا رخ پیش کرتا ہے جس سے سامعین کو یہ معلوم ہوتا ہے کہ شہر 30 سال پہلے کیسا تھا۔ بیانیہ تیز رفتار ہے اور دستاویزی فلم کو تھرلر کی طرح ایڈٹ کیا گیا ہے، لیکن اس میں ایک شاک ویلیو یہ ہے کہ جسے مختلف جنرینشز مختلف انداز سے سمجھیں گی۔

صدمے کی قدر بھی ہے جسے مختلف نسلیں مختلف انداز میں لے گی۔ آج کے دور کے لوگ پولیس والوں کے یہ اعتراف سن کر حیرت زدہ رہ جائیں گے جسے وہ’ شکار کا موسم ‘ قرار دیتے ہیں۔  جب کہ نئے ہزاریے میں پروان چڑھنے والوں کے لیے بات صدمے کا سبب ہو گی کہ ان کا ملک کچھ عرصے قبل وائلڈ ویسٹ سے مشابہت رکھتا تھا۔

امریکہ میں قانون سازوں کے ابتدائی دنوں کی طرح، ہندوستان میں پولیس والوں نے شہر کو جرائم اور گندگی سے پاک کرنے کے لیے ’پہلے گولی مارو اور بعد میں سوال پوچھو‘ کے فارمولے پر عمل کیا، لیکن جب انہیں روکنا چاہیے تھا، انہوں نے ایسا نہیں کیا۔ اور جب یہ وجہ ایک عام کھیل میں بدل گئی۔ پولیس والوں نے سب سے زیادہ تعداد میں مارے جانے والے غنڈوں کے لیےایک دوسرے کے ساتھ مقابلہ کیا – چیزیں الٹنے لگیں اور انصاف سے ماورا ہوگئیں اور یہی وجہ ہے کہ انکاؤنٹر اسپیشلسٹ رویندر انگرے اسکرین پر بہت ناراض دکھائی دیتے ہیں۔

اس میں صحافی پوجا چنگوئی والا کے تبصرے شامل ہیں، جنہوں نے کہا تھا کہ بمبئی بم دھماکوں میں مرنے والوں کی تعداد سے پانچ گنا زیادہ کو پولیس والوں نے ہلاک کیا اور آپ کو اندازہ ہو گا کہ 1990 کی دہائی میں ممبئی میں کیا ہو رہا تھا۔ صحافی الیکس پیری اور ایک انتہائی متحرک منٹی تیجپال بھی اس صورتحال پر اپنی رائے دیتے ہیں۔ جہاں ایک بین الاقوامی اشاعت کے لیے الیکس پیری کی تحریر نے ہندوستانی نظام انصاف میں ہلچل مچا دی، وہیں منٹی تیج پال کا تاریخی بابری مسجد کو ‘مسلم مسجد’ کہنے کا فیصلہ سامعین کے لیے اچھا نہیں ہوگا۔

اس بات کو مد نظر رکھتے ہوئے کہ اسے نیٹ فلک کے لیے تیار کیا گیا ہے، اس کی طوالت زیدہ ہونی چاہیئے تھی، زیادہ شراکت کے ساتھ اسے صرف ممبئی شہر واسیوں کے بجائے  دنیا بھر کے ناظرین کے لیے تیار کیا جانا چاہیئے تھا۔ یہ اس غلط فہمی کو بھی دور کرنے میں ناکام رہی کہ شہر میں ہونے والی ہر چیز کے پیچھے صرف داؤد ابراہیم کا ہاتھ تھا۔ اوران کے ہم عصر اور چھوٹے غنڈوں کے نام سامنے نہیں لاتا جنہوں نے 1980 اور 1990 کی دہائیوں میں شہر میں دہشت گردی کی۔

کچھ پولیس والے جنہوں نے غنڈوں کے خاتمے میں اہم کردار ادا کیا تھا جیساکہ سابق پولیس کمشنر راکیش ماریا جو 1993ء کے ممبئی بم دھماکوں کے دوران  سربراہ تھے۔  اے ٹی ایس کے سابق سربراہ ہیمنت کرکرے جو پندرہ سال بعد شہر کو بچاتے ہوئے مر گئے تھے، وہ نہیں ملے۔ اس دستاویزی فلم میں ان کا ذکر نہیں کیا گیا جس کے وہ مستحق تھے۔ اور ان کے نسبتاً صاف کیریئر کے ساتھ کچھ لینا دینا ہو سکتا تھا کیونکہ انٹرویو دینے والے زیادہ تر ارکان کے کیرئیر پر کہیں نہ کہیں کوئی داغ ہے۔

اگر آپ حسین زیدی کے کام سے واقف نہیں ہیں، تو یہ دستاویزی فلم آپ کو ان کی تحریر کے بارے میں مزید جاننے کے تجسس کو مہمیز کرے گی، یہ  ان تمام لوگوں کے لیے جو حقیقی جرم کے بارے میں پڑھنا چاہتے ہیں، کسی معیار سے کم نہیں۔ یہ کہنا غلط نہیں ہوگا کہ 87 منٹ کی اس دستاویزی فلم کو مکمل طور پر سمجھنے کے لیے قارئین کا ممبئی کی تاریخ اور جغرافیہ سے بخوبی واقف ہونا ضروری ہے، جس میں حسین زیدی کا کمال ہے۔ لیکن اگر آپ کو پس منظر نہیں پتاتو پھر یہ زبان آپ کے لیےاجنبی ہوسکتی ہے۔