امریکہ کے شمال مشرقی، کینیڈا میں ایک خطرناک آرکٹک دھماکہ ہوا ہے جس کے بعد شدید ترین سردی کی لہر کا خدشہ ظاہر کیا گیا ہے۔

ایک غیر ملکی خبر رساں ادارے کی خبر کے مطابق ایک خطرناک آرکٹک دھماکے نے ہفتے کے روز شمال مشرقی ریاستہائے متحدہ اور کینیڈا کے علاقوں میں خطرناک حد تک درجہ حرارت کو نیچے گرا دیا ہے۔

محکمہ موسمیات کے سرد موس کی پیشن گوئی کرنے والوں نے خبردار کیا ہے کہ صرف پانچ منٹ میں ٹھنڈ لگ سکتی ہے۔

امریکہ کی نیشنل ویدر سروس نے خبردار کرتے ہوئے کہا ہے کہ ریاست نیو ہیمپشائر میں ماؤنٹ واشنگٹن کے اوپر ہوا سے سردی کا عنصر راتوں رات منفی 78 ڈگری تک پہنچ گیا ہے۔

امریکی محکمہ موسمیات کا کہنا ہے کہ اس سے قبل اس علاقے میں منفی 74 ڈگری تک درجہ حرارت ریکارڈ کیا گیا تھا جو ٹوٹ گیا ہے۔

واضح رہے کہ ماؤنٹ واشنگٹن کی اونچائی تقریباً 1920 میٹر ہے جو شمال مشرقی امریکہ میں سب سے اونچی چوٹی ہے اور اسے دنیا کی بدترین موسم کے لیے جانا جاتا ہے۔

اس وقت ماؤنٹ واشنگٹن چوٹی پر درجہ حرارت منفی 43 ڈگری ہے اور ہوا کی رفتار 177 کلومیٹر فی گھنٹہ کی رفتار سے چل رہی ہیں، خدشہ ہے کہ تیز رفتار ہوا اور منفی درجہ حرات علاقے میں منجمد کر دینے والی ریکارڈ یخ بستہ ہواؤں کا سبب بن سکتے ہیں۔

امریکہ کے نیشنل ویدر سروس کے مطابق کینیڈا کی جنوبی سرحد کے قریب واقع فرنچ ویلی قصبے میں درجہ حرارت منفی 51 ڈگری تک گر گیا ہے۔

امریکی نیشنل ویدر سروس نے خبردار کیا ہے کہ یہ سردی کی یہ لہر انتہائی خطرناک ہو سکتی ہے کیونکہ اس موسم میں انسانی جلد صرف پانچ منٹ میں ٹھنڈ سے شدید متاثر ہو سکتی ہے۔

امریکی نیشنل ویدر سروس کا مزید کہنا ہے کہ موجودہ صورتحال کو دیکھ کر یوں محسوس ہوتا ہے کہ یہ سردی امریکہ کے شمالی اور مشرقی علاقوں میں تباہی پھیلا سکتی ہے، یہ 1982 اور 1988 کی سردی سے بھی زیادہ خطرناک ثابت ہو سکتی ہے۔

امریکی نیشنل ویدر سروس کے مطابق وہ ممکنہ طور پر کئی دہائیوں میں سب سے کم ہوا کی سردی دیکھیں گے۔