ایک رپورٹ میں انکشاف ہوا ہے کہ بھارت میں سرکاری نوکری کے حصول کے لیے امیدوار دھوکہ دہی کا مرتکب ہوتے ہیں۔

برطانوی خبر رساں ادارے کی خبر کے مطابق دسمبر کی ایک سرد صبح مغربی ریاست راجستھان میں پولیس نے ایک بس کو ادے پور شہر کی طرف جاتے ہوئے دیکھا، پولیس نے اس کا پیچھا کیا۔

پولیس کو ایک رات پہلے اطلاع ملی تھی کہ ریاست کے سرکاری اسکولوں میں اساتذہ کی بھرتی کے لیے ہونے والے امتحان کا سوالیہ پرچہ صبح کے وقت لیک ہونے والا ہے۔

اساتذدہ کی بھرتی کے لیے لاکھوں طلبہ امتحان دینے والے تھے اور 24 دسمبر کو بے صبری سے انتظار کی جانے والی بھرتی مہم کے لیے تقریباً 1,193 امتحانی مراکز قائم کیے گئے تھے۔

ادے پور میں بس ایک امتحانی مرکز کی طرف جارہی تھی اور پولیس کو شبہ تھا کہ پرچہ لیک کرنے والے اس پر سوار تھے۔

پولیس کچھ فاصلے پر انتظار کرتے رہی کیونکہ بس چند منٹوں تک ایک عمارت کے گرد چکر لگاتی تھی، پھر پولیس نے بس کو روک لیا۔

ایک پولیس اہلکار جس نے نام ظاہر نہ کرنا چاہا میڈیا کو بتایا کہ بس کے اندر ہمیں چار سرکاری اسکول کے اساتذہ ملے جو کم از کم 20 امیدواروں کے سوالیہ پرچے حل کر رہے تھے۔

امیدواروں نے مبینہ طور پر اساتذہ کو، جو امتحانی مرکز میں انویجیلیشن ڈیوٹی پر تھے بھاری رقم ادا کی تھی – پولیس نے 20 فرضی امیدواروں کو پکڑ لیا جنہیں امیدواروں نے اپنی طرف سے ٹیسٹ دینے کے لیے پیسے دیے تھے۔

پولیس کا کہنا ہے کہ اصل امیدوار بھی بس سے پکڑے گئے، پولیس نے الزام لگایا کہ ملزمان جعلی شناختی کارڈ لے کر آئے تھے۔

امتحان کے پرچہ لیک ہونے کے بعد ریاست میں کم از کم 12 بھرتی مہمیں منسوخ کر دی گئی ہیں۔

ادے پور پولیس کے سربراہ وکاس شرما نے میڈیا کو بتایا کہ دو مرکزی ملزمان کو ابھی تک پکڑا جانا باقی ہے.

بھارتی ریاست راجھستان میں ہونے والا یہ واقعہ انوکھا نہیں ہے، پورے بھارت میں امتحانات کے لیک ہونے کے واقعات عام ہیں، جہاں لاکھوں بے روزگار ہیں اور محفوظ ملازمتوں کی تلاش میں ہیں۔

واضح رہے کہ بھارت میں سرکاری ملازمتوں کی بہت زیادہ خواہش کی جاتی ہے اور خواہشمند امیدواروں کے غیر منصفانہ طریقوں کا سہارا لینے کے واقعات غیر معمولی نہیں ہیں۔

بہت سے ملازمت کے متلاشی افراد ایک جگہ کو محفوظ بنانے کی کوشش کرنے کا ایک طریقہ امتحانات میں دھوکہ دہی سے ہے، جس میں سوالیہ پرچے خریدنا یا کسی اور کو اپنی طرف سے ٹیسٹ لکھنے کے لیے ادائیگی کرنا شامل ہے۔