سعودی سفیر کی جانب سے سیلاب متاثرین کی بحالی کیلئے بھرپور تعاون کی یقین دہانی کرائی گئی ہے۔

تفصیلات کے مطابق وزیراعلیٰ سندھ مراد علی شاہ سے سعودی عرب کے سفیر نواف سعید المالکی کی ملاقات  ہوئی ہے۔

KARACHI (February 9th, 2023) Sindh Chief Minister Syed Murad Ali Shah exchanges views with Ambassador of the Kingdom of Saudi Arabia Mr. Nawaf Saeed A. Al Malkiy at CM House. pic.twitter.com/ngnDQuLx6H

Advertisement

— Sindh Chief Minister House (@SindhCMHouse) February 9, 2023

دوران ملاقات سعودی سفیر نے وزیراعلیٰ سندھ کو کامیاب ڈونر کانفرنس منعقد کرنے پر مبارکباد دی اور سیلاب متاثرین کی بحالی کے لئے بھرپور تعاون کا یقین دلایا۔

یہ بھی پڑھیں: ہمیں انفرا اسٹرکچر کی بہتری کیلئے فوری اقدامات کرنےکی ضرورت ہے، وزیراعلیٰ سندھ

اس موقع پر وزیراعلیٰ سندھ کا کہنا تھا کہ لوگوں کے گھر بنا کر دینا، زراعت اور آبپاشی کی بحالی بڑے چیلنجز ہیں، انشا اللہ ڈونرز کانفرنس کی مدد سے متاثرین کی بحالی کا وعدہ پورا کرینگے۔

انہوں نے بتایا کہ سیلاب متاثرین کو 2 کمرے، ایک کوریڈور، کچن اور واش روم کا گھر بنا کر دینا چاہتے ہیں  جس پر سعودی سفیر کا کہنا تھا کہ سعودی عرب سندھ حکومت کے ساتھ گھروں کی تعمیر میں ہر قسم کی مدد کرےگی۔

خیال رہے کہ ملاقات میں سعودی قونصل جنرل بندر فہد الدائل، وزیراعلیٰ کے معاون خاص قاسم نوید، پرنسپل سیکریٹری فیاض جتوئی بھی شریک تھے۔

یہ بھی پڑھیں: ہم متحد ہو کر ہی ملک کو بحرانوں سے نکال سکتے ہیں، وزیر اعلیٰ سندھ

واضح رہے کہ گزشتہ روز ڈونر کانفرنس سے خطاب کرتے ہوئے کہا تھا کہ  موسمیاتی تبدیلیوں کی وجہ سے انفرا اسٹرکچر اور گھروں کو نقصان ہوا، حکومت کی جانب سے اب انفرا اسٹرکچر کی بحالی اور متاثرہ افراد کو رہائش کی سہولت دی جائے گی۔

وزیر اعلیٰ نے مزید کہا کہ میں شکر گزار ہوں کہ ورلڈ بینک اور ایشین ڈویلپمنٹ بینک اس معاملے پر ہماری مدد کیلئے تیار ہیں، ہمیں اس مسائل کے حل اور بہتری کیلئے فوری اقدامات کرنے کی ضرورت ہے۔

یہ بھی پڑھیں: طوفانی بارشیں ، کراچی کا بوسیدہ انفرا اسٹرکچر تباہ و برباد

اس موقع پر ممبر ورلڈ بینک نے کانفرنس سے خطاب کرتے ہوئے کہا کہ ترکیہ اور مصر میں حالیہ زلزلے اور نقصانات کا افسوس ہے، پاکستان میں بھی ماضی میں زلزلہ سے کئی خاندان متاثر ہوئے تھے، ہم اظہار یکجہتی اور مدد کیلئے یہاں موجود ہیں، ہم سیلاب سے نقصانات اور انکے بہتری کیلئے اکٹھا ہیں۔

انہوں نے کہا کہ سندھ کی آبادی دیگر مختلف ممالک سے زیادہ ہے، ہمیں ملکر سندھ کے عوام کی مدد کرنی ہے اور انفرا اسٹرکچر بہتر کرنا ہے۔

ورلڈ بینک کے ممبر نے مزید کہا کہ متاثرہ افراد کی فوری بحالی کیلے ہمیں مل کر کام کرنا ہوگا، ماحولیاتی تبدیلیوں سے کیسے نمٹنا ہے ہمیں سیکھنا ہوگا۔