جراثیم ہرجگہ موجود ہیں یہ آپ کے کمپیوٹر کے کی بورڈ سے لے کر گاڑی کی چابی تک، گھر کے دروازے کے ہینڈل سے لے موبائل کہ اسکرین تک، جو آپ کی صحت کو متاثر کرسکتے ہیں۔

ماہرین کے مطابق ایسی تمام اشیاء اور جگہوں کو صاف کرنا نہایت ضروری جو متعدد بار استعمال میں آتی ہیں انہیں موبائل بھی شامل ہیں۔ یہ ڈیوائس ہر جگہ آپ کے ساتھ ہوتی ہے اور مختلف جراثیم اس پر جمع ہوتے رہتے ہیں جو بہت آسانی سے آپ کو بیمار کر سکتے ہیں۔ لہذا دیگر اشیاء کی طرح اس کی صفائی کا خیال رکھنا بھی نہایت ضروری ہے۔

یہاں پر موبائل کو صاف کرنے کے حوالے سے چند تجاویز پیش کی جارہی ہیں جن پر عمل کر کے آپ نہ صرف اس کو صاف رکھ سکتے ہیں بلکہ مختلف انفیکشنز سے بھی محفوظ رہ سکتے ہیں۔

کورکو اتارکر صاف کریں

 فون کی صفائی شروع کرنے سے پہلے ضروری ہے کہ فون کی اسکرین اور اس کا کور دونوں کی صفائی کو یقینی بنائیں۔ تاکہ فون صاف ہونے کے بعد مکمل جراثیم سے پاک ہوجائے۔

مائیکرو فائبر کپڑے سے صاف کریں

اگلے مرحلے میں فون کی سطح کو اچھی طرح صاف کرنے کے لیے صاف مائیکرو فائبر کپڑا استعمال کریں۔ کپڑے اور آپ کے فون کی سطح کے درمیان رگڑ نہ صرف تمام دھبوں اور گندگی کو ختم کرتا ہے بلکہ جراثیم اور دیگر نجاست کو بھی دور کرتا ہے۔ اس کے لیے مائیکرو فائبر کپڑا استعمال کرنا ضروری ہے کیونکہ یہ بیکٹیریا کوصاف کرنے میں مدد فراہم کرتا ہے۔

جراثیم کش وائپ کا استعمال

جراثیم کش وائپ کا استعمال فون پرسے تمام جراثیم کو دور کر دے گا اگر آپ کے پاس یہ وائپ موجود نہیں تو آپ مائیکرو فائبر کپڑے کو صابن میں پانی میں بھگوکر اضافی پانی کو نکال دیں اور پھر احتیاط سے صاف کریں۔

اسے ہوا میں خشک ہونے دیں

جس طرح آپ اپنے ہاتھوں کو مکمل طور پر جراثیم سے پاک کرنے کے لیے دھوتے ہیں بلکل اسی طرح فون کو بھی مکمل طور پر جراثیم سے پاک کرنے کے لیے تقریباً 5 منٹ تک ہوا میں خشک ہونے دیں۔

پیپر ٹاول کا استعمال کریں

ایک بار جب پانچ منٹ ہو جائیں تو، ایک صاف پیپر ٹاول کا استعمال کرتے ہوئے اضافی نمی کو صاف کریں اب آپ کا فون مکمل طور پر جراثیم کش اور دوبارہ استعمال کرنے کے لیے محفوظ ہے ۔