جیلیں ہمیں اپنے مقصد سے نہیں ہٹا سکتیں، عامر ڈوگر

ویب ڈیسک

09th Feb, 2023. 07:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جیلیں ہمیں اپنے مقصد سے نہیں ہٹا سکتیں، عامر ڈوگر

پی ٹی آئی رہنما و سابق چیف وہپ قومی اسمبلی ملک عامر ڈوگر نے کہا ہے کہ جیلیں ہمیں اپنے مقصد سے نہیں ہٹا سکتی ہیں۔

تفصیلات کے مطابق رہائی کے بعد پی ٹی آئی رہنما و سابق چیف وہپ قومی اسمبلی ملک عامر ڈوگر نے بول نیوز سے گفتگو کرتے ہوئے کہا کہ قائد اعظم کے بعد عمران خان پاکستان کے مقبول لیڈر ہیں، عمران ایک نظریے کا نام ہے، کارکنان کا جزبہ اور جنون پہلے سے بھی بڑھا ہے۔

انہوں نے کہا کہ جیلیں ہمیں اپنے مقصد سے نہیں ہٹا سکتیں، یہ لوگ جتنے بھی اوچھے ہتھکنڈے استعمال کرلیں تحریک انصاف کی مقبولیت کو کم نہیں کرسکتے۔

یہ بھی پڑھیں؛ عمران خان ہی ملک کو ترقی یافتہ بنا سکتے ہیں، عامر ڈوگر

ان کا کہنا تھا کہ یہ اپنی شکست سے خوف زدہ ہیں، شکست کے خوف سے یہ طاقت کا استعمال کررہے ہیں، تاریخ گواہ ہے جس کو جتنا دبایا جائے وہ اتنا طاقت سے اوپر آتا ہے۔

پی ٹی آئی رہنما و سابق چیف وہپ قومی اسمبلی ملک عامر ڈوگر نے مزید کہا کہ جب بھی الیکشن ہوگا تحریک انصاف کامیاب ہوگی، خیبر سے کراچی تک سب کا ایک مطالبہ ہے کہ الیکشن کرایا جائے۔

یہ بھی پڑھیں؛ آج پاکستان کی سیاست کا محور عمران خان ہیں، عامر ڈوگر