پاکستان کو مستقل بنیادوں پر محصولات بڑھانے کی ضرورت ہے، آئی ایم ایف

عمر حیات خان

10th Feb, 2023. 11:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو مستقل بنیادوں پر محصولات بڑھانے کی ضرورت ہے، آئی ایم ایف

پاکستان اور آئی ایم ایف کے درمیان اسٹاف لیول معاہدہ نہ ہوسکا۔

عالمی مالیاتی ادارے( آئی ایم ایف) کی جانب سے جاری کردہ اعلامیے کے مطابق پاکستان اور آئی ایم ایف کے درمیان آن لائن نویں جائزے کے مذاکرات جاری رہیں گے۔

آئی ایم ایف اعلامیے میں بتایا گیا کہ ایکسٹینڈڈ فنڈ فسیلیٹی کے لیے 31 جنوری سے 9 فروری تک مذاکرات ہوئے۔ پاکستان اور آئی ایم ایف کے درمیان مزید مذاکرات ورچوئلی جاری رہیں گے۔

آئی ایم ایف اعلامیے میں بتایا گیا کہ پالیسی اور مالیاتی ضروریات پر مذاکرات ہوئے ہیں ۔ملکی اور غیر ملکی قرضوں کی ادائیگی اور محصولات کے حوالے سے بھی بات چیت ہوئی ہے۔

آئی ایم ایف اعلامیے میں مزید کہا گیا کہ پاکستان کو مستقل بنیادوں پر محصولات بڑھانے کی ضرورت ہے۔ پاکستان کو اعانتوں کو ختم یا کم کرنا ہے۔

اعلامیے میں کہا گیا کہ ایکسچینج ریٹ بہتر ہونے سے پاکستان میں ڈالر کی ترسیل بہتر ہوگی۔ توانائی کے گردشی قرضے کو ختم کرنے کے لیے اقدامات ضروری ہیں۔ ان پالیسی لیول پوائنٹس پر عملدرآمد سے پاکستان میں دوبارہ میکرو اکنامک استحکام آئے گا۔

آئی ایم ایف اعلامیے میں کہا گیا کہ وزیر اعظم شہباز شریف کے پروگرام کے حوالے سے خیالات کی قدر کرتے ہیں۔