سابق وزیر خزانہ و پی ٹی آئی رہنما شوکت ترین کیخلاف مقدمہ درج

ویب ڈیسک

13th Feb, 2023. 01:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق وزیر خزانہ و پی ٹی آئی رہنما شوکت ترین کیخلاف مقدمہ درج

پاکستان تحریک انصاف کے رہنما اور سینیٹر شوکت ترین کے خلاف مقدمہ درج کرلیا گیا ہے۔

تفصیلات کے مطابق سینیٹر شوکت ترین کے خلاف ایف آئی اے کی جانب سے پیکا قانون کے تحت مقدمہ درج کیا گیا ہے۔

مقدمے کی تفصیلات:

ایف آئی آر میں درج ہے کہ آئی ایم ایف پروگرام کو ناکام کرنے کیلئے شوکت ترین نے پنجاب اور خیبر پختونخوا کے وزرائے خزانہ کو کال کی گئی تھی۔

یہ بھی پڑھیں؛پرائیوٹ گفتگو ٹیپ کرنے کا عمل غیر قانونی ہے، شوکت ترین

خیال رہے کہ گزشتہ روز فاقی تحقیقاتی ایجنسی (ایف آئی اے) نے پاکستان تحریک انصاف کے سینیٹر اور سابق وفاقی وزیر خزانہ شوکت ترین کے خلاف قانونی کارروائی شروع کرنے کا فیصلہ کیا گیا تھا۔

ذرائع نے بتایا کہ ایف آئی اے نے سابق وفاقی وزیر خزانہ شوکت ترین کی لیک آڈیو پر تحقیقات مکمل کرلیں، اور اب ایف آئی اے نے شوکت ترین کے خلاف قانونی کارروائی اور ان کی گرفتاری کے لیے وزارت داخلہ سے اجازت مانگی تھی۔

ایف آئی کی تحقیقات کے مطابق پی ٹی آئی سینیٹر شوکت ترین کی گفتگو آئی ایم ایف سے ڈیل کو نقصان پہنچانے کے لیے تھی، شوکت ترین قومی مفادات اور سیکیورٹی کو نقصان پہنچانا چاہتے تھے۔

واضح رہے کہ پی ٹی آئی سینیٹر شوکت ترین کی پنجاب اورخیبرپختونخوا کے وزرائے خزانہ کے ساتھ آڈیو لیک ہوئی تھی جس کے بعد وفاقی حکومت نے شوکت ترین کی لیک آڈیو پر تحقیقات کے لیے معاملہ ایف آئی اے کو بھجوایا تھا۔