جیل بھرو تحریک کیلئے تیار ہیں، مقدمات سے نہیں ڈریں گے، عثمان ڈار

ویب ڈیسک

13th Feb, 2023. 06:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جیل بھرو تحریک کیلئے تیار ہیں، مقدمات سے نہیں ڈریں گے، عثمان ڈار

پی ٹی آئی رہنما عثمان ڈار نے کہا ہے کہ جیل بھرو تحریک کیلئے ویسے ہی تیار ہیں، مقدمات سے نہیں ڈریں گے۔

تفصیلات کے مطابق پی ٹی آئی رہنما عثمان ڈار کے خلاف اینٹی کرپشن پنجاب کی ممکنہ کاروائی پر عثمان ڈار نے کاروائی کا بھرپور دفاع کرنے کا اعلان کر دیا۔

عثمان ڈار نے کہا کہ میرے خلاف کرپشن کے مقدمے کا اوپن ٹرائل کیا جائے، سیالکوٹ کی عوام کے سامنے مقدمہ لڑنے کیلئے تیار ہوں۔

انہوں نے کہا کہ عمران خان کے ساتھ کھڑا ہونے کی سزا 10 سال سے بھگت رہا ہوں جبکہ عمران خان کے ساتھ کھڑا ہونے پر انتقامی کاروائی کا آغاز کر دیا گیا ہے جبکہ پیغامات پہلے ہی بھیج دیئے گئے تھے، انتقامی کاروائی کے مقابلے کیلئے تیار ہوں۔

یہ بھی پڑھیں؛ ڈاکوؤں نے اقتدار کی حوس میں بے شرمی کی تمام حدیں پار کر دی ہیں، عثمان ڈار

ان کا کہنا تھا کہ اینٹی کرپشن حکام مجھے بلائیں میں جرح کا منتظر ہوں۔

ان کا یہ بھی کہنا تھا کہ میرے ورکرز کو اٹھا کر جعلی اور جھوٹے بیانات کون لے رہا ہے سب معلوم ہے۔

پی ٹی آئی رہنما عثمان ڈار نے مزید کہا کہ جیل بھرو تحریک کیلئے ویسے ہی تیار ہیں، مقدمات سے نہیں ڈریں گے۔