پاک فوج ترکیہ اور شام کے زلزلہ زدگان کی مدد کیلئے میدان عمل میں اپنی خدمات سرانجابم دے رہی ہے۔

پاک فوج کے شعبہ تعلقات  عامہ (آئی ایس پی آر) کے مطابق پاک آرمی کا ترکیہ کے شہر ادیامان میں ریسکیو آپریشن جاری ہے۔

آئی ایس پی آر نے بتایا کہ پاک فوج کی جانب سے مزید 11 جگہوں پر سرچ آپریشن کیا گیا جس دوران 10 مزید لاشیں ڈھونڈ کر ورثاء کے حوالے کر دی گٸیں۔

یہ بھی پڑھیں: پاک فوج کی ترکیہ میں زلزلہ متاثرین کیلئے امدادی سرگرمیاں جاری

آئی ایس پی آر کا کہنا تھا کہمجموعی طور پر 88 جگہوں پر سرچ آپریشن سمیت 37 جگہوں پر ریسکیو آپریشن کیا گیاہے۔

آئی ایس پی آر نے بتایا کہ  پاک فوج کی امدادی اور ریسکیو ٹیموں نے اب تک 8 لوگوں کو زندہ نکال لیا ہے اور 134افراد لاشیں نکال کر ورثاء کے حوالے کر دی گئیں  ہیں۔

آئی ایس پی آر کے مطابق 18 ٹن امدادی سامان جس میں سردیوں کے خیمے ،4 ٹن ادویات ،کفن ، گرم کپڑے سلیپنگ بیگ اور جیکٹس شامل ہیں PIA کی پرواز کے ذریعے شام کے لئے بھجوایا گیا ہے۔

یہ بھی پڑھیں: پاک فوج کے دستے امدادی سامان کے ساتھ ترکیہ روانہ

خیال رہے کہ ترکی اور شام میں گزشتہ ہفتے آنے والے مہلک زلزلے سے مرنے والوں کی تعداد 37000 ہو گئی ہے۔

حکام کے مطابق ترکی میں کم از کم 31,643 اور شام میں 5,800 سے زیادہ افراد ہلاک ہوئے۔

دریں اثنا، شام کے صدر بشار الاسد نے اقوام متحدہ کو ترکی سے دو مزید سرحدی گزرگاہوں کے ذریعے شام کے متاثرہ علاقوں تک امداد پہنچانے پر اتفاق کیا ہے۔