آئی ایم ایف سے معاہدہ ہونے میں کچھ وقت لگ سکتا ہے، عائشہ غوث پاشا

عمر حیات خان

16th Feb, 2023. 01:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف سے معاہدہ ہونے میں کچھ وقت لگ سکتا ہے، عائشہ غوث پاشا

وزیر مملکت برائے خزانہ ڈاکٹر عائشہ غوث پاشا کا کہنا ہے کہ آئی ایم ایف سے معاہدہ ہونے میں کچھ وقت لگ سکتا ہے۔

اسلام آباد میں میڈیا سے گفتگو کرتے ہوئے وزیر مملکت برائے خزانہ ڈاکٹر عائشہ غوث پاشا نے کہا کہ فنانس منی بل کل پارلیمنٹ میں پیش کر دیا گیا ہے۔

یہ بھی پڑھیں: آئی ایم ایف کے ساتھ مثبت مزاکرات چل رہے ہیں، عائشہ غوث پاشا

ڈاکٹر عائشہ غوث پاشا نے کہا کہ آئی ایم ایف سے طے شدہ معاملات پر عمل درآمد کر لیا ہے۔جو چیزیں رہ گئی ہیں وہ بھی ای سی سی میں پیش کی جائیں گی۔

ان کا کہنا تھا کہ آئی ایم ایف مشن چیف نے خود کہا ہے کہ پاکستان سے معاملات طے ہو گئے ہیں۔

وزیر مملکت برائے خزانہ نے کہا کہ آئی ایم ایف کے ساتھ آج شام کو ورچوئل مذاکرات ہوں گے۔ آئی ایم ایف سے معاہدہ ہونے میں کچھ وقت لگ سکتا ہے۔

یہ بھی پڑھیں: سیلاب سے معاشی نقصانات 30 ارب ڈالر سے زیادہ ہو سکتے ہیں، عائشہ غوث پاشا

عائشہ غوث پاشا کا کہنا تھا کہ پاکستان نے بہت تیزی سے آئی ایم ایف کی شرائط پر عملدرآمد کیا۔ آئی ایم ایف نے ہم سے کچھ وضاحتیں طلب کیں، آئی ایم ایف کے ساتھ اضافی معلومات کا تبادلہ ہو چکا ہے۔

انہوں نے مزید کہا کہ بیرونی فنانسنگ اور مالی ذخائر پر دوست ممالک سے بات چیت چل رہی ہے۔