پاک بحریہ کے دو کمو ڈورز کی ریئر ایڈمرل کے عہدے پر ترقی دے دی گئی ہے۔
ترجمان پاک بحریہ کے مطابق ترقی پانے والوں میں ریئر ایڈمرل خیبر زمان اور ریئر ایڈمرل شفقت حسین اختر شامل ہیں۔
پاک بحریہ کے ترجمان نے بتایا کہ ترقی پانے والے دونوں افسران پاکستان نیوی وار کالج لاہور اور نیشنل ڈیفنس یونیورسٹی اسلام آباد سے فارغ التحصیل ہیں۔
ترجمان پاک بحریہ کا کہنا ہے کہ افسران پاک بحریہ میں کمانڈ اور اسٹاف کی متعدد اہم ذمہ داریاں سرانجام دے چکے ہیں۔
واضح رہے کہ 10 دسمبر کو پاک بحریہ کے کموڈور محمد حسین سیال کو رئیر ایڈمرل کے عہدے پر ترقی دے دی گئی تھی۔
ترجمان پاک بحریہ کے مطابق ریئر ایڈمرل محمد حسین سیال نے 1991 میں پاک بحریہ میں کمیشن حاصل کیا، وہ پاکستان نیوی وار کالج اور نیشنل ڈیفنس یونیورسٹی سے فارغ التحصیل ہیں۔
ترجمان نے بتایا تھا کہ ریئر ایڈمرل محمد حسین سیال نے برطانیہ سے ساؤنڈ اینڈ وائبریشن میں ماسٹرز ڈگری حاصل کر رکھی ہے، وہ پاک بحریہ میں کمانڈ اور اسٹاف کی متعدد اہم ذمہ داریاں سرانجام دے چکے ہیں۔
مزید پڑھیں: پاک بحریہ قومی و بین الاقوامی سطح پر گالف کو فروغ دے رہی ہے، کموڈور مسعود خورشید
ترجمان کا کہنا تھا کہ اس وقت ریئر ایڈمرل محمد حسین سیال مینیجنگ ڈائریکٹر ڈاکیارڈ کے فرائض انجام دے رہے ہیں اور ان کی اعلیٰ خدمات کے اعتراف میں انہیں ستارہ امتیاز (ملٹری) سے نوازا جا چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News