منی بجٹ کی منظوری آئین کے آرٹیکل 75 کے تحت دی گئی
صدر مملکت ڈاکٹر عارف علوی نے منی بجٹ 2023 کی منظوری دے دی۔
تفصیلات کے مطابق وزیراعظم سیکریٹریٹ نے فنانس بل 2023 قومی اسمبلی سے منظوری کے بعد ایوان صدر کو منظوری کے لیے بھیجا تھا۔
ایوان صدر سے جاری کردہ بیان کے مطابق صدر مملکت ڈاکٹر عارف علوی نے فنانس (سپلیمنٹری) بل 2023 کی منظوری دے دی۔ منظوری آئین کے آرٹیکل 75 کے تحت دی گئی ہے۔
خیال رہے کہ آرٹیکل 75 (1) کے تحت صدر کو اختیار نہیں ہے کہ فنانس بل پر اعتراض لگائے یا اسے مسترد کرے۔
یہ بھی پڑھیں؛ وزیر خزانہ نے فنانس بل 2023 قومی اسمبلی میں پیش کردیا
Advertisement
پیر کے روز قومی اسمبلی کا کورم نامکمل ہونے کے باوجود ضمنی مالیاتی بل 2023 منظور کرلیا گیا تھا۔ ایوان میں حکومت اور اپوزیشن کے کل 68 ارکان موجود تھے جب کہ اجلاس کے کورم کے لیے 86 ارکان کی ضرورت ہوتی ہے۔
واضح رہے کہ حکومت نے عالمی مالیاتی ادارے (آئی ایم ایف) کی ایما پر 170 ارب روپے کے نئے ٹیکس لگانے کے لیے منی بجٹ منظور کیا تھا۔
15 فروری کو وفاقی وزیر خزانہ سینیٹر اسحاق ڈار نے آئی ایم ایف کی شرائط پر مبنی بجٹ پیش کیا تھا، جس میں جنرل سیلز ٹیکس 18 فیصد اور لگژری آئٹمز پر سیلز ٹیکس 17 فیصد سے بڑھا کر 25 فیصد کرنے کی تجویز دی گئی تھی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
