عمران خان جب حکم دیں گے ہم کراچی سینٹرل جیل بھردیں گے، فردوس شمیم نقوی

ویب ڈیسک

26th Feb, 2023. 07:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان جب حکم دیں گے ہم کراچی سینٹرل جیل بھردیں گے، فردوس شمیم نقوی

فردوس شمیم نقوی نے کہا ہے کہ عمران خان جب حکم دیں گے ہم کراچی سینٹرل جیل بھردیں گے۔

تفصیلات کے مطابق پاکستان تحریک انصاف کے رکن سندھ اسمبلی فردوس شمیم نقوی نے مہنگائی کے خلاف احتجاجی مظاہرہ سے خطاب کرتے ہوئے کہا کہ لیاقت آباد اس شخص کے نام پر ہے جس نے ہندوستان کیخلاف مکہ بلند کیا تھا۔

انہوں نے کہا کہ لیاقت آباد نے قائد اعظم کی بہن کا ساتھ دینے کیلئے جدوجہد کی تھی جبکہ یہاں رہنے والوں نے مسلمانوں کیلئے ہجرت کی تھی۔

پی ٹی آئی کے رکن سندھ اسمبلی کا کہنا تھا کہ جب عوام پر زندگی تنگ ہوجائے تو حکمرانوں کو ان کے محلوں سے نکالیں، مہنگائی کے خاتمے کیلئے لیاقت آباد کو نکلنا ہوگا۔

فردوس شمیم نقوی کا یہ بھی کہنا تھا کہ یہ اتنی آسانی سے نہیں جائیں گے ہمیں اس حکومت کو بھیجنے کیلئے نکلنا ہوگا۔

پاکستان تحریک انصاف کے رکن سندھ اسمبلی فردوس شمیم نقوی کا مزید کہنا تھا کہ عمران خان جب حکم دیں گے ہم کراچی سینٹرل جیل بھردیں گے اور جب تک مہنگائی ختم نہیں ہوگی ہم احتجاج کا سلسلہ جاری رکھیں گے۔