سپریم کورٹ نے واضع کر دیا کہ الیکشن تو ہونے ہیں، فواد چوہدری

ویب ڈیسک

27th Feb, 2023. 06:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپریم کورٹ نے واضع کر دیا کہ الیکشن تو ہونے ہیں، فواد چوہدری

سابق وفاقی وزیر فواد چوہدری کا کہنا ہے کہ ہمیں لوٹے راجہ ریاض کو اپوزیشن لیڈر کے عہدے سے ہٹانا ہے تاہم اسپیکرقومی اسمبلی سے ہمیں کوئی امید نہیں ہے۔

پاکستان تحریک انصاف کے مرکزی رہنما فواد چوہدری نے ٹوئٹ کرتے ہوئے کہا کہ آج کی سماعت کے بعد مجھے ڈر ہے کہ پی ڈی ایم ملک میں زلزلے اور جنگ کی اجتماعی دعا کی اپیل نہ کر دے، کیونکہ سپریم کورٹ نے واضع کر دیا ہے کہ الیکشن تو ہونے ہیں۔

بعد ازاں فواد چوہدری پارلیمنٹ ہاؤس پہنچے، ان کا کہنا تھا کہ ہمیں لوٹے راجہ ریاض کو اپوزیشن لیڈر کے عہدے سے ہٹانا ہے تاہم اسپیکرقومی اسمبلی سے ہمیں کوئی امید نہیں ہے۔

اس سے قبل سپریم کورٹ کے باہر میڈیا سے بات کرتے ہوئے پی ٹی آئی کے مرکزی رہنما فواد چوہدری نے کہا کہ چیف صاحب نے کہا ہے کہ کل طویل سماعت ہو گی، سب کو سنا جائے گا، اس میں کوئی دو رائے نہیں کہ 90 دن میں انتخابات نہ کرائے جائیں-

انہوں نے کہا کہ میں حکومت سے کہوں گا کہ اس چیز پہ کھلواڑ نہ کریں، آج میں حیران ہوں کہ ججز کو کس طرح نشانہ بنایا گیا، زرداری صاحب نے پی پی کا بیڑہ غرق کر دیا، جب آپ پیسہ دبئی لے کر جاتے ہیں تب بھی سوچا کریں کہ کراچی کے ساتھ کیا ہوا ہے۔