پھل، سبزیاں، گریاں اور بیج صحت سے بھرپورغذائیں ہیں جوآپ کوتندرست وتوانا رکھنے ساتھ کئی امراض سے بچاتی ہیں۔ تاہم پھل ان میں سب سے زیادہ پسند کی جانی والی غذا ہیں۔

پھلوں میں کئی طرح کے وٹامنز اور منرلز اور اینٹی آکسیڈینٹس کثیرمقدار میں پائے جاتے ہیں یہی وجہ ہے کہ ماہرین روزانہ پھلوں کو غذا میں شامل رکھنے کا مشورہ دیتے ہیں۔ ویسے تو پھلوں کو کسی بھی وقت کھایا جاسکتا ہے تاہم اکثرلوگ انہیں رات میں کھانے سے منع کرتے ہیں، کیا پھلوں کو رات میں کھایا جاسکتا ہے یا نہیں، جانتے ہیں۔

رات پھل نہ کھانے کا حقیقت سے کوئی تعلق نہیں

اس بات کے کوئی سائنسی ثبوت نہیں ہے کہ رات میں پھل کھانے سے صحت متاثر ہوتی ہے تاہم ہوسکتا ہے کہ کچھ لوگوں میں رات میں پھل کھانے سے کوئی پریشانی ہوسکتی ہے۔

یہ کس طرح آپ کو متاثر کرسکتے ہیں

پھل کھانے کے لیے کوئی مخصوص وقت نہیں ہے تاہم اگر رات میں پھل کھایا جائے تو آپ کو ان مسائل کا سامنا ہوسکتا ہے۔

نیند میں خلل

سونے سے قبل کچھ بھی کھانا نیند میں خلل کا سبب بن سکتا ہے اور پھل ان سے مختلف نہیں ہیں، تو کوشش کریں کہ سونے سے تین گھنٹے قبل انہیں کھانے سے گریز کریں۔

بلڈ شوگر میں اضافہ

رات گئے پھل کھانے سے ان میں موجود چینی خون میں شامل ہونے لگتی ہے جس سے خون میں گلوکوز کی سطح بڑھ سکتی ہے تاہم اس کے لیے مزید تحقیق کی ضرورت ہے۔