وزیر داخلہ سے درخواست ہے کہ صحافیوں پر تشدد کی معذرت کریں، مریم اورنگزیب

ویب ڈیسک

28th Feb, 2023. 09:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر داخلہ سے درخواست ہے کہ صحافیوں پر تشدد کی معذرت کریں، مریم اورنگزیب

مسلم لیگ (ن) کی رہنما اور وفاقی وزیر مریم اورنگزیب نے صحافیوں پر تشدد کی مذمت کرتے ہوئے کہا کہ وزیر داخلہ سے درخواست کی ہے کہ صحافیوں سے اس واقعے پر معذرت کی جائے۔

وفاقی وزیر اطلاعات مریم اورنگزیب نے عدالت کے باہر صحافیوں سے پولیس کی بدسلوکی کی شدید مذمت کرتے ہوئے وزیر داخلہ رانا ثناء اللہ خاں سے واقعے کا سخت نوٹس لینے کی درخواست کردی۔

مریم اورنگزیب کا کہنا تھا کہ پی ٹی آئی اور پولیس کا صحافیوں پر تشدد انتہائی قابل مذمت ہے، صحافیوں سے معذرت کرتی ہوں، وزیر داخلہ رانا ثناء اللہ خاں سے معاملے پر بات کی ہے، وزیر داخلہ سے درخواست کی ہے کہ صحافیوں سے اس واقعے پر معذرت کی جائے۔

انہوں نے کہا کہ وزیر داخلہ کارروائی کریں کہ پولیس تماشائی کیوں بنی رہی، حملہ آوروں کے ہاتھ روکنے کے بجائے میڈیا کو نشانہ بنانے والوں کا تعین کیا جائے، گیٹ توڑیں پی ٹی آئی کے فسادی اور ڈنڈے کھائیں بے گناہ صحافی، یہ نہیں چلے گا۔

وفاقی وزیر کا مزید کہنا تھا کہ پیشہ ورانہ زمہ داریاں انجام دینے والے صحافیوں پر تشدد قابل افسوس اور ناقابل قبول ہے، صحافی ہر طرح کے سخت اور مشکل حالات میں عوام کو آگاہ کرنے کے لئے قابل قدر کام کرتے ہیں ، صحافیوں کا احترام اور انہیں فرائض کی انجام دہی میں سہولت فراہم کرنا پولیس کی ذمہ داری ہے۔