ترکیہ اور شام کے زلزلہ متاثرین کی مسلسل امداد کیلئے پاک بحریہ مصروف عمل

ویب ڈیسک

01st Mar, 2023. 09:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکیہ اور شام کے زلزلہ متاثرین کی مسلسل امداد کیلئے پاک بحریہ مصروف عمل

ترکیہ اور شام کے زلزلہ متاثرین کیلٸے این ڈی ایم اے اور افواج پاکستان کی خصوصی کاوشوں کا سلسلہ جاری ہے۔

ترکیہ اور شام کے زلزلہ متاثرین کی مسلسل امداد کیلٸے این ڈی ایم اے کے اشتراک سے پاک بحریہ کے جہاز ”نصر“ پر امدادی سامان کا ایک ہزار ٹن سے زاٸد کا سامان کے پی ٹی کراچی سے روانہ ہوگئے ہیں۔

دونوں متاثرہ ممالک کیلٸے بھیجے گٸے امدادی سامان میں ہزاروں کی تعداد میں سرد موسم سے بچاٶ کیلٸے خیمے، کمبل، خشک راشن، ادویات، کثیر ملبوسات اور بڑی مقدار میں جینیریٹرز شامل ہیں۔

یہ بھی پڑھیں: ترکیہ میں زلزلہ متاثرین کی زندگیاں بچانے والے قوم کے بہادر بیٹوں کو سلام ، وزیراعظم

پاک بحریہ کا امداد کھیپ کا ”نصر جہاز“ چودہ روز کے بحری سفر کے بعد اپنی مقررہ منازل طے کریگا ۔

امدادی جہاز کی روانگی کے موقع پر ترکیہ کاٶنسل جنرل جمال سنگو اور پاک بحریہ کی اعلیٰ قیادت شریک تھے۔

افواج پاکستان اور این ڈی ایم اے کی مشترکہ کاوشوں کی پہلے ہی ترکیہ اور شام کی عوام معترف رہی ہیں جس کا اندازہ بین الاقوامی میڈیا کی پزیراٸی سے لگایا جا سکتا ہے۔

ترکیہ اور شام کے زلزلہ متاثرین کیلٸے افواج پاکستان اور این ڈی ایم اے کی امدادی کاوشیں مکمل بحالی تک جاری رہیں گی۔

یہ بھی پڑھیں: حکومتِ پاکستان کا ترکیہ اور شام کے زلزلہ متاثرین کی امداد کیلئے بڑا اقدام