سڑک پر رکھے گملے چوری کرنا آدمی کو مہنگا پڑگیا ہے۔

بھارتی میڈیا کے مطابق گڑگاؤں پولیس نے بدھ کے روز شہر کے شنکر چوک سے پھولوں کے گملے چوری کرنے کے الزام میں 50 سالہ شخص کو گرفتار کرلیا ہے۔

پولیس نے گروگرام کے گاندھی نگر کے رہنے والے 50 سالہ پراپرٹی ڈیلر من موہن کو میٹرو پولیٹن ڈیولپمنٹ اتھارٹی میں رکھے پھولوں کے گملے چُرانے کے الزام میں حراست میں لے لیا ہے۔

लगता है सारा पैसा गाड़ी खरीदने में चला गया इसलिए घर सजाने के लिए गमला चुराना पड़ा!#GamlaChor #ChorNikalKeBhaga #GamlaChorElvish #ElvishYadav @ElvishYadav #Elvish_Gamla_Chor pic.twitter.com/VQyKqVICuS

Advertisement

— Mohammad Altaf Ali (@MdAltafAli15) March 1, 2023

مذکورہ پھولوں کے گملے بھارت میں ہونے والے جی ٹونٹی کانفرنس کی تیاریوں کے انتظامات کیلئے منگوائے گئے تھے، ملزم من موہن کے قبضے سے چوری میں استعمال ہونے والی گاڑی اور گملے برآمد کر لیے گئے۔

سوشل میڈیا پر وائرل ہونے والی واردات کی سی سی ٹی وی فوٹیج سے ملزمان کی شناخت ممکن ہوسکی، ویڈیو میں دیکھا جا سکتا ہے کہ دو افراد پھولوں کے گملے چراکر گاڑی میں رکھ رہے ہیں۔

یہ بھی پڑھیں: نوجوان کو گھوڑے پر بیٹھنا مہنگا پڑگیا؛ ویڈیو وائرل

پولیس کا کہنا ہے کہ ملزم کو گزشتہ رات اس کے گھر سے گرفتار کرلیا گیا ہے تاہم پولیس اس کے ساتھی کی تلاش میں ہے۔

پولیس نے بتایا کہ مذکورہ گاڑی ملزم منموہن کی بیوی کے نام پر رجسٹرڈ ہے۔

ابتدائی تفتیش سے پتہ چلا ہے کہ من موہن اور اس کا ساتھی دہلی سے گروگرام واپس آ رہے تھے کہ پھولوں کے گملوں کو دیکھ کر انہوں نے اپنی کار روکی اور گملے چرا کر موقع سے فرار ہو گئے۔

دوران تفتیش ملزم نے بتایا کہ اسے اس بات کا علم نہیں تھا کہ گملے اٹھانے کی ویڈیو کیمرے میں ریکارڈ ہو رہی ہے، ملزمان کے خلاف آئی پی سی کی مختلف دفعات کے تحت مقدمہ درج کیا گیا ہے۔

یہ بھی پڑھیں: نوجوان موٹر سائیکل سمیت گڑھے میں گر کر غائب ہو گیا، دل دہلا دینے والی ویڈیو وائرل