آج ہم آپکو روزانہ چند منٹ تک چہل قدمی کا حیرت انگیز فائدہ بتائیں گے۔

ایک حالیہ تحقیق کے مطابق روزانہ 11 منٹ تیز رفتاری سے کی جانے والی چہل قدمی سے دنیا بھر میں قبل از وقت ہونے والی 10 فیصد اموات کی روک تھام ممکن ہے۔

تحقیق میں دریافت کیا گیا کہ تیز رفتاری سے چہل قدمی، رقص، سائیکل چلانے یا ہائیکنگ جیسی سرگرمیوں سے دل کی شریانوں سے جڑے امراض اور کینسر کی مخصوص اقسام سے قبل از وقت موت کا خطرہ نمایاں حد تک کم ہو جاتا ہے۔

تحقیق کے مطابق ہر فرد ایک ہفتے میں 75 منٹ تک معتدل جسمانی سرگرمیوں کو عادت بنا لیں تو عالمی سطح پر 10 فیصد قبل از وقت اموات کی روک تھام ممکن ہے۔

یہ بھی پڑھیں: ہفتے میں کتنے منٹ کی چہل قدمی جگر کی چربی سے نجات دلا سکتی ہے؟

ماہرین کا کہنا ہے کہ معتدل جسمانی سرگرمیاں سے مراد ایسی سرگرمیاں ہیں جن سے دل کی دھڑکن تیز ہو جائے جبکہ کسی حد تک سانس پھول جائے۔

محققین نے کہا کہ اگر ایک ہفتے میں 150 منٹ کی معتدل جسمانی سرگرمیوں کا خیال کسی فرد کو مشکل محسوس ہوتا ہے تو ہماری تحقیق کے نتائج ایسے افراد کے لیے اچھی خبر ہیں۔

ان کا کہنا تھا کہ اگر آپ ہر ہفتے 75 منٹ تک تیز رفتاری سے چہل قدمی کرنے میں کامیاب ہوتے ہیں تو اس دورانیے کو بتدریج مزید بڑھانا ممکن ہے، اس سے قبل از وقت موت کا خطرہ 23 فیصد تک کم ہو جاتا ہے۔

یہ بھی پڑھیں: دن بھر بیٹھنے کے نقصان سے بچنے کے لیے ماہرین کتنے منٹ کی چہل قدمی کا مشورہ دیتے ہیں

اسی طرح دل کی شریانوں کے امراض سے متاثر ہونے کا خطرہ 17 فیصد جبکہ کینسر کے شکار ہونے کا خطرہ 7 فیصد تک گھٹ جاتا ہے۔

محققین کے مطابق ہم پہلے سے جانتے ہیں کہ جسمانی سرگرمیاں جیسے چہل قدمی سے صحت کو فائدہ ہوتا ہے، مگر نتائج سے واضح ہوتا ہے کہ روزانہ محض 11 منٹ کی تیز چہل قدمی سے بھی امراض قلب اور کینسر کا خطرہ کم ہو جاتا ہے۔

یہ بھی پڑھیں: چہل قدمی کے دوران گنگنائیں فائدہ بھی دگنا پائیں