کراچی کے علاقے پریڈی میں رہائشی عمارت  بوسیدہ حصہ گرگیا، حادثے میں  تین بچوں سمیت چھ افراد زخمی ہوگئے تمام افراد کو سول اسپتال منتقل کردیا گیا ہے۔

علاقہ مکینوں کا کہنا ہے کہ شہر میں موجود بوسیدہ عمارتیں حکومتی توجہ کی منتظر ہیں۔

علاقہ مکینوں کا مزید کہنا تھا کہ شہر میں پہ درپہ ہونے والے حادثات المیہ ہیں، ایسی مخدوش  عمارتوں کو فوری مسمار کیا جائے تاکہ کسی بھی ممکنہ سانحے سے بچا جا سکے۔

یاد رہے کہ سندھکے بڑے شہر سکھر میں 3 منزلہ رہائشی عمارت زمین بوس ہوگئی تھی۔

 ابتدائی اطلاعات کے مطابق گنجان آباد علاقے حسینی روڈ پر واقع 3 منزلہ رہائشی عمارت اچانک گر گئی، بلڈنگ میں کئی فیملیز رہائش پذیر تھیں، ملبے تلے کئی افراد کے دبے ہونے کی اطلاعات تھیں۔

ابتدائی طور پر مقامی افراد نے اپنی مدد آپ کے تحت 2 زخمیوں کو ملبے سے نکال کر اسپتال منتقل کیا گیا تھا۔

معلوم ہوا ہے کہ ملبے تلے خواتین اور بچے بھی دبے ہوئے ہیں، افسوسناک سانحے پر علاقے میں خوف و ہراس ہے اور چیخ و پکار کی آوازیں آرہی تھیں۔

اہل علاقہ کی بڑی تعداد جائے حادثہ پر موجود ہے جو امدادی کارروائیاں میں مصروف تھے۔

منہدم عمارت کے ساتھ گزرنے والے11 ہزار کے وی کےتار بھی ٹوٹ گئے جس کی وجہ سے بجلی منقطع ہوگئی اور علاقہ اندھیرے میں ڈوب گیا، تاریکی کے باعث ریسکیو کاموں میں مشکلات کا سامنا تھا۔