پی ٹی آئی خیبرپختونخوا کے ترجمان شوکت یوسفزئی نے کہا ہے کہ حکومت عمران خان کی مذاکرات کی پیشکش کو کمزوری نہ سمجھے۔
تفصیلات کے مطابق پی ٹی آئی خیبرپختونخوا کے ترجمان شوکت یوسفزئی نے اپنے بیان میں کہا کہ حکومت عمران خان کی مذاکرات کی پیشکش کو کمزوری نہ سمجھے، توقع تھی حکومت مثبت جواب دے گی، وزیراعظم اور وزراء کے غیر سنجیدہ رویے پر افسوس ہوا، ثابت ہو رہا ہے کہ پی ڈی ایم ملک کے ساتھ مخلص نہیں، عمران خان نے مذاکرات کی پیش کش کر کے بڑے پن کا مظاہرہ کیا ہے۔
شوکت یوسفزئی نے کہا کہ عمران خان کی پیشکش پر مذاق اڑانے والوں کو پچھتاوا ہو گا، گورنر الیکشن کمیشن کے خط کو قطری خط نہ بنائیں، الیکشن کمیشن نے انتخابات کی تاریخ مانگی ہے تو جلد تاریخ دیں، حیلے بہانوں اور تاخیر سے ملک کو نقصان ہو گا، گورنر کے پی انتخابات کی تاریخ نہ دے کر توہین عدالت کے مرتکب ہو رہے ہیں، گورنر غلام علی الیکشن کمیشن کے خط کو قطری خط نہ بنائیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
