سعودی عرب، ماہ صیام میں قرآن مجید کے 10 لاکھ نسخے تقسیم کرنے کا فیصلہ

ویب ڈیسک

06th Mar, 2023. 10:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب، ماہ صیام میں قرآن مجید کے 10 لاکھ نسخے تقسیم کرنے کا فیصلہ

سعودی عرب نے ماہ رمضان کے مقدس مہینے میں دنیا کے 22 ممالک میں 76 زبانوں پر مشتمل قرآن مجید کے 10 لاکھ نسخے تقسیم کرنے کا فیصلہ کیا ہے۔

تفصیلات کے مطابق سعودی عرب نے دنیا بھر کے مسلمانوں میں قرآن کریم کے 10 لاکھ نسخے تقسیم کرنے کا فیصلہ کیا ہے، قرآن مجید کے یہ نسخے دنیا کی 76 زبانوں پر مشتمل ہوں گے۔

سعودی وزارت اسلامی امور کے وزیر ڈاکٹر عبداللطیف الشیخ کا کہنا ہے کہ سعودی عرب دنیا بھر میں لاکھوں افراد تک قرآن کریم اور اس کا پیغام پہنچانے کے لیے کوشاں ہے۔

یہ بھی پڑھیں : سعودی عرب؛ مڈل ایسٹ یوتھ سمٹ کا پہلا سربراہی اجلاس

ڈاکٹر عبداللطیف الشیخ نے مزید کہا کہ رمضان المبارک کے دوران دنیا کے 22 ممالک میں 76 مختلف زبانوں میں تراجم کیے گئے قرآن مجید کے دس لاکھ نسخے تقسیم کیے جائیں گے.

قرآن مجید کے ان نسخوں کی تقسیم کی منظوری خادم الحرمین الشریفین شاہ سلمان بن عبدالعزیز کی جانب سے دے دی گئی ہے.

قرآن مجید کے یہ نسخے مدینہ منورہ کے کنگ فہد کمپلیکس میں چھاپے جائیں گے اور ان کے ترجمہ شدہ نسخے بھی اسی کمپلیکس میں تیار کئے جائیں گے۔

سعودی عرب کے میڈیا کے مطابق کنگ فہد کمپلیکس میں چھاپے گئے قرآن مجید کے یہ نسخے مخلتف ممالک کے سفارت خانوں کی مدد سے ان کے ملکوں میں تقسیم کیے جائیں گے۔