لاہور: وزیر اعظم شہباز شریف کی جانب سے غریب عوام کو مہنگائی سے بچانے کا بڑا فیصلہ کیا گیا ہے۔ مہنگائی سے ستائے غریب عوام کے لئے بڑا رمضان پیکج تیار کرلیا گیا ہے۔

تفصیلات کے مطابق وزیر اعظم کی زیر صدارت پنجاب میں رمضان پیکج کے تحت مفت آٹے کی فراہمی کے جائزہ اجلاس میں غریب گھرانوں کو مفت آٹا فراہم کرنے کی منظوری دے دی گئی ہے۔

 وزیراعظم کی خصوصی ہدایت پر مفت آٹے کی فراہمی کا پیکج تیار کیا گیا، پہلے مرحلے میں صوبہ پنجاب میں غریب ترین لوگوں کو خصوصی رمضان پیکج کے تحت مفت آٹا فراہم ہوگا۔

وزیراعظم نے غریب گھرانوں کو رمضان پیکج کے تحت آٹے کی فراہمی پر جامع حکمت عملی جلد از جلد مکمل کرنے کی ہدایت کردی۔

یہ بھی پرھیں: رمضان سے پہلے عوام کے لیے مہنگائی کا ایک نیا طوفان

وزیراعظم شہباز شریف نے مزید کہا کہ ماہ رمضان میں روزہ داروں کو زیادہ سے زیادہ ریلیف دیں، پنجاب ماڈل کی طرز پر ملک بھر میں رمضان پیکج کی غریب عوام کو فراہمی کے لئے وفاق صوبوں کو ہر ممکن تعاون فراہم کرے گا۔

اس موقع پر چیف سیکریٹری پنجاب زاہد اختر زمان اور سیکریٹری خزانہ مجاہد شیر دل نے رمضان پیکج کے حوالے سے وزیر اعظم کو بریفنگ دی۔

خیال رہے کہ نگران وزیراعلیٰ پنجاب سید محسن رضا نقوی کے علاوہ سیکریٹری فوڈ اور دیگر اعلیٰ حکام بھی اجلاس میں شریک ہوئے۔

واضح رہے کہ پہلی دفعہ غریب گھرانوں کو مفت آٹے کی فراہمی کا یہ اپنی نوعیت کا پہلا پیکج ہے۔

عوام نے ملک میں جاری مہنگائی کا ذمہ دار کس حکومت کو ٹھہرایا؟

گیلپ پاکستان کی جانب سے کیے گئے تازہ ترین سروے میں عوام سے موجودہ سیاسی و معاشی بحران اور سیاسی قائدین کے بارے میں رائے لی گئی جس میں عوام نے غیر جانبداری سے اپنی آراء کا اظہار کیا اور موجودہ حالات کی ذمہ دار حکومت کو قرار دیا ہے۔

سروے میں عوام سے موجودہ مہنگائی کی لہر کی ذمہ دار حکومت سے متعلق سوال پوچھا گیا کہ موجودہ مہنگائی کی بدترین لہر کی اصل ذمہ دار حکومت کون ہے؟ اس سوال کے جواب میں 62 فیصد لوگوں نے پی ڈی ایم اور ن لیگ کی حکومت کو ذمہ دار ٹھہرایا جبکہ 38 فیصد لوگوں نے اس مہنگائی کا ذمہ دار پی ٹی آئی کو بنایا۔

 مزید پڑھیں: مہنگائی کا ذمہ دار کون؟ جانیے