پشاور: پولیس نے دہشت گردی کا بڑامنصوبہ ناکام بناتے ہوئے 2 دہشت گردوں کو گرفتار کر لیا۔

تفصیلات کے مطابق شبقدر پولیس اور حساس اداروں نے پشاور میں بڑی کارروائی کی جس کے نتیجے میں 2 دہشت گردوں گرفتار کرلیا گیا۔

پشاور: دہشت گردی کا بڑا منصوبہ ناکام بنا دیا گیا
براہ راست دیکھیں: https://t.co/7PN6qbAHwL#BOLNews #Peshawar pic.twitter.com/z19PYtfs6n

— BOL Network (@BOLNETWORK) March 8, 2023

پولیس کے مطابق گرفتار دہشت گردوں سے بھاری مقدار میں بارودی مواد، ہیند گرینڈ اور ماٹر گولے برآمد ہوئے۔

پولیس نے بتایا کہ 10 کلو بارود، 93فٹ پرائما کارڈ، 2 عدد آر پی جی7 گولے، 6 فٹ سیفٹی فیوز، 3عدد ڈیٹونیٹر، 3 عدد ریسیور اور 3عدد ہینڈ گرنیڈ برآمد ہوئے۔

پولیس کا کہنا ہے کہ گرفتار دہشت گردوں کا تعلق صوبے کےمختلف اضلاع اور کالعدم تنظیم سے ہے۔

یہ بھی پڑھیں: ملک میں حالیہ دہشت گردی کی لہر، سی ٹی ڈی نے کارروائیاں تیز کردیں

پولیس نے مزید بتایا کہ گرفتار دہشت گرد چارسدہ میں تخریب کاری کے کارروائیوں میں بھی ملوث رہ چکے ہیں۔

خیال رہے کہ چند روز قبل بھی سی ٹی ڈی کی کارروائیوں کے دوران مختلف شہروں سے 7 دہشت گرد گرفتار کرلئے گئے تھے۔

 کاؤنٹر ٹررزم ڈپارٹمنٹ (سی ٹی ڈی) کی جانب سے لاہور سمیت مختلف شہروں سے 7 دہشت گرد گرفتار کیے  گئے تھے۔

حکام نے بتایا تھا کہ گرفتار دہشت گردوں کا تعلق کالعدم ٹی ٹی پی سے ہے جن کی شناخت ٹی ٹی پی احمد اللہ ، اسامہ ، نذیر ، حماد ، عبدالرحمان ، امان اللہ کے نام سے ہوئی۔

یہ بھی پڑھیں: دہشت گردی کے خدشات، سی ٹی ڈی نے کومبنگ آپریشن تیز کردیے

حکام کا کہنا تھا کہ دہشت گردوں کے خلاف سات مقدمات درج کرلیے گئے ہیں جبکہ گرفتار دہشت گردوں سے خودکش جیکٹ بنانے کا سامان ، بارودی مواد ، اسلحہ بھی برآمد کیا گیا تاہم دہشت گرد حساس تنصیبات کو نشانہ بنانا چاہتے تھے۔

واضح رہے کہ مختلف کارروائیوں کے دوران رواں ہفتے 423 کومبنگ آپریشنز کے دوران 80 مشتبہ افراد گرفتار کیے گئے۔