معروف قانون دان ڈاکٹر بابر اعوان نے کہا ہے کہ شعیب شیخ کے خلاف کیسز جھوٹ پر مبنی ہیں۔

تحریک انصاف کے رہنما ڈاکٹر بابر اعوان نے بول نیوز سے گفتگو کرتے ہوئے کہا کہ بول نیوز نے عدلیہ کیلئے اسٹینڈ لیا، ایک ہی مقدمے میں 2 بار ٹرائل نہیں ہوسکتا۔

بابر اعوان نے مزید کہا کہ 9سال بعد مقدمہ درج کرنا قانون سے متصادم ہے، انہوں نے قانون کو گھر کی لونڈی بنایا ہوا ہے۔

انور منصور

دوسری جانب ماہر قانون انور منصور نے بھی بول نیوز سے گفتگو کرتے ہوئے کہا کہ ڈپٹی اٹارنی جنرل کو گرفتاری کا نہیں پتہ تو مطلب کچھ چھپارہے ہیں۔

انہوں نے کہا کہ شعیب شیخ کسی دباؤ میں نہیں آئیں گے، ان کی گرفتاری دشمنی زیادہ قانونی کارروائی کم ہے۔

انور منصور نے کہا کہ حکومت بول نیوز کو خاموش کرانے کیلئے حربےاستعمال کرے گی، بول نیوز اور شعیب شیخ حق کا ساتھ دیتے رہیں گے۔

ماہر قانون نے مزید کہا کہ ایک الزام میں ایک ہی مقدمہ درج ہوسکتا ہے، سندھ ہائی کورٹ کے حکم کے بعد رہائی لازمی ہے۔

شاہ محمود قریشی

اس سے قبل بول نیوز سے گفتگو کرتے ہوئے تحریکِ انصاف کے سینئر رہنما و سابق وفاقی وزیر خارجہ شاہ محمود قریشی نے بول نیوز کے کو چیئرمین شعیب شیخ کی گرفتاری کی شدید الفاظ میں مذمت کرتے ہوئے ان کی گرفتاری کو بلا جواز قرار دیا۔

یہ بھی پڑھیں؛ بول نیوز کے شریک چیئرمین شعیب شیخ گرفتار

شاہ محمود قریشی نے بول نیوز سے گفتگو کرتے ہوئے کہا کہ جمہوریت کی مضبوطی میں میڈیا کا اہم کردارہوتا ہے۔ حکومت آزادی اظہاررائے پرپابندی لگا رہی ہے۔

شیخ رشید

سابق وفاقی وزیر داخلہ شیخ رشید نے بھی بول نیوز سے گفتگو کرتے ہوئے کہا کہ بد معاشوں نے شعیب شیخ کو گرفتار کرلیا ہے۔

انہوں نے کہا کہ الیکشن کروانے کے علاوہ کوئی راستہ نہیں۔ میاں صاحب بزدل ہیں، ان سےبہادری لینےکی ضرورت نہیں۔

سابق وفاقی وزیر شیخ رشید نے مزید کہا کہ امریکا نے بھی کہا آئی ایم ایف کےمعاملات خود طے کریں، عالمی ممالک بھی انہیں منہ نہیں لگا رہے۔