سکھر کی مقامی عدالت نے مریم نواز کے کے خلاف بغاوت کا مقدمہ درج کرانے کا کیس خارج کر دیا۔

تفصیلات کے مطابق ڈسٹرکٹ اینڈ سیشن جج سکھر کی عدالت میں مریم نواز کے خلاف کیس کی سماعت ہوئی۔ عدالت نے مریم نواز کے خلاف بغاوت کا مقدمہ درج کرانے کے حوالے سے کیس کا فیصلہ محفوظ کیا تھا۔

 ففتھ ایڈیشنل سیشن جج ممتاز سولنگی نے محفوظ فیصلہ سناتے ہوئے مسلم لیگ ن کی مرکزی رہنما مریم نواز کے خلاف کیس خارج کردیا۔

عدالت نے مریم نواز کے خلاف غداری کے مقدمے کے اندراج کی درخواست خارج کی، تاہم درخواست خارج کرنے کی وجہ نہیں بتائی گئی۔

درخواست گزاروکیل ظہربابر کا کہنا تھا کہ تفصیلے فیصلے کے آنے بعد ہی درخواست خارج کی وجہ سامنے آئیگی۔  مریم نواز شریف نے سرگودھا جلسے میں عدلیہ اور افواج کے خلاف ہرزہ سرائی کی۔

وکیل درخواست گزارنے درخواست میں استدعا کی تھی کہ نفرت انگیز تقاریر کی بنیاد پر مریم نواز کے خلاف بغاوت کا مقدمہ درج کیا جائے۔

ففتھ ایڈیشنل سیشن جج نے ریمارکس دیے کہ یہ کیس ہمارے حدود میں نہیں آرہا۔

عدالت نے تحریری فیصلہ جاری کرتے ہوئے کہا کہ سندھ اور بلوچستان میں اعظم سواتی کے خلاف دائر درخواستیں بھی اعلی عدالتوں سے خارج ہوچکے ہیں۔ سیکشن 177 سی آر پی سی کے تحت مقدمات حدود کی عدالتوں میں درج ہوسکتے ہیں۔