مختصر دورانیے کی ویڈیوز ایپ ٹک ٹاک نے اپنے صارفین کے لئے خاموشی سے ایک دلچسپ فیچر متعارف کرا دیا ہے۔

ٹک ٹاک کی جانب سے نیئر بائی فیڈ کو ایپ میں متعارف کرایا گیا ہے جس سے صارفین اپنے شہر یا ملک کے مختلف علاقوں کے مواد کو دیکھ سکیں گے۔

اس طرح ٹک ٹاک میں فار یو اور فالوونگ کے بعد ایک نئی نیئر بائی فیڈ کا اضافہ ہوگیا ہے جو صارف کے شہر کے نام سے نظر آئے گی۔

اس نئی فیڈ میں صارف کے شہر یا ملک کے مواد کو زیادہ دکھایا جائے گا۔

صارفین اس فیچر کے تحت اپنے شہر یا دیگر علاقوں کے مقبول مقامات کے بارے میں بھی جان سکیں گے۔

یہ بھی پڑھیں: معروف ٹک ٹاکر نے اسلام کی خاطر ٹک ٹاک اکاؤنٹ ڈیلیٹ کردیا

اس سے قبل ٹک ٹاک نے ایک فیچر متعارف کروایا تھا۔

رپورٹ کے مطابق ٹک ٹاک کی جانب سے ہوم پیج پر فالوونگ اور فار یو کے ساتھ ساتھ مزید 4 فیڈز کا اضافہ کیا گیا تھا۔

اس تبدیلی کے بعد ٹک ٹاک کے ہوم پیج پر اسپورٹس، فیشن، گیمنگ اور فوڈ فیڈز کا اضافہ ہوگیا ہے اور فیڈز کی مجموعی تعداد 6 ہوگئی ہے۔

اس ری ڈیزائن سے عندیہ ملتا ہے کہ ٹک ٹاک کی جانب سے صارفین کو اپنی پسند کے مواد کو تلاش کرنے میں مدد فراہم کی جا رہی ہے۔

یہ بھی پڑھیں: راتوں رات کسی کو بھی وائرل کرنے والا ٹک ٹاک کا خفیہ بٹن سامنے آگیا

اس سوشل میڈیا ایپ کی فالوونگ اور فار یو فیڈز میں ہر موضوع پر مبنی ویڈیوز نظر آتی ہیں اور کسی مخصوص مواد کو تلاش کرنے کے لیے سرچ کرنا پڑتا ہے۔

مگر اب صارفین فیشن، کھیل، گیمز یا کھانوں کے حوالے سے مواد ان موضوعات کے لیے مختص فیڈز پر دیکھ سکیں گے۔

یوٹیوب میں بھی ٹاپک کیٹیگریز کا فیچر کافی عرصے سے موجود ہے جس کے ذریعے صارفین مخصوص مواد کو ایک جگہ تلاش کرسکتے ہیں۔

یہ بھی پڑھیں: پاکستانی طلبہ کیلئے بڑی خوشخبری؛ ٹک ٹاک کا اہم اعلان