پی ٹی آئی کارکنان اپنے قائد کی حفاظت کیلئے زمان پارک میں موجود ہیں، راجہ بشارت

ویب ڈیسک

10th Mar, 2023. 11:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کارکنان اپنے قائد کی حفاظت کیلئے زمان پارک میں موجود ہیں، راجہ بشارت

راجہ بشارت نے کہا ہے کہ پی ٹی آئی کے کارکنان ہزاروں کی تعداد میں اپنے قائد کی حفاظت کے لیے زمان پارک میں موجود ہیں۔

تفصیلات کے مطابق سابق وزیر راجہ بشارت نے زمان پارک کے باہر میڈیا سے گفتگو کرتے ہوئے کہا کہ پاکستان تحریک انصاف کے کارکنان ہزاروں کی تعداد میں اپنے قائد کی حفاظت کے لیے زمان پارک میں موجود ہیں، کسی کی غلط فہمی ہے تو آکر اپنا شوق پورا کر لے۔

انہوں نے کہا کہ ہم آزادانہ اور منصفانہ انتحابات کی بات کر رہے ہیں یہی توقع نگران حکومت سے بھی تھی لیکن جو صورتحال نگران حکومت کی جانب سے دیکھنے کو ملی جس طرح نیب ، انٹی کرپشن اور پولیس کو استعمال کیا جارہا ہے ان سے کوئی امید نہیں ہے۔

سابق وزیر راجہ بشارت نے مزید کہا کہ آج آر او کا جو نوٹیفکیشن ہوا جس میں عدلیہ کو نمائندگی نہیں دی گئی یہ بھی ایک سوالیہ نشان ہے، ہمارا کارکن جو شہید ہوا اس کے بارے میں ہمارے سے زیادہ میڈیا کے لوگ جانتے ہیں ، اس کے ذمہ داروں کو کیفر کردار تک پہنچایا جائے گا۔